الاثنين، يونيو ٢٣، ٢٠٠٨

تحياتي

قضية تسريب اوراق الامتحان في محافظة المنيا

تعد من القضايا المهمة التي لا ينبغي ان تمر مرور

الكرام...و في رأيي ، ان هناك حالات مماثله في

محافظات أخري لم يتم كشفها ربما لمحدودية عدد

الاشخاص الذين استفادوا من التسريب...

هذه القضية بين يدي النائب العام ، و هو رجل،

في تقديري ، من افضل من تولوا هذا المنصب،

و لا نزكي علي الله أحد.

لكن يبقي شق أخر في هذه القضية ، وهو

الشق الذي قد يكون مر مرور الكرام....الا وهو

وجود 8 لجان خاصة لاداء امتحان الثانوية العامة

المستفيد من هذه اللجان ، كما ورد في الصحف

القومية و الحزبية و المستقلة، المستفيدون هم

ابناء كبار المسؤولين في الشرطة و القضاء و وزارة

الصحة.....

كيف يستقيم ان يكون هؤلاء المسؤلون في مواقعهم

القيادية و يستغلوا وظائفهم لتسهيل اداء امتحانات ابنائهم

الا يعد ذلك خيانة للامانة....الا يعد ذلك استغلالا سافرا

للنفوذ و المنصب العام....

ان كان كبار المسؤلين في المحافظة علي هذه الشاكلة

فماذا ننتظر منهم من أداء....

اطالب بعزل كل من تورط في هذه اللجان الخاصة من

مسؤولين....و تقديمهم الي المحاكمة ...بتهم خيانة

الامانه التي وضعتها الدولة في اعناقهم...و تسهيل

عملية الغش...و استغلال المنصب العام لتحقيق

مكاسب شخصية لابنائهم....

هكذا تقتضي العدالة و العدل بين الناس....

اللهم اني قد بلغت اللهم فاشهد.

دمتم بالف خير.

هناك ٢٩ تعليقًا:

المـــفـــــــقــــــــوعـــــة مــرارتـهــا يقول...

الناس دي تتقدم للمحاكمة امتي ؟
لما يبقي للبلد دي صاحب
انا فوجئت بالخبر في الجرايد المفروض انها حكومية يعني دي الكريمة اللي علي الوش وماخفي كان أعظم

رئـــــيسـة حزب الأحلام يقول...

بجد حاجة تكسف لما الغش يتم بالطريقه المستفزة دى
ربنا يستر
تحياتى لك

rovy يقول...

السلام عليكم
احييك على هذا البوست .. وده مش جديد عليك سيدى الربان ..
اتمنى ان يتم محاكمة كل المسئولين عن هذه المهزله والتى يدفع و سيدفع تمنها اولاد لا ذنب لهم ..
خالص تقديرى و تحياتى
rovy

امل يقول...

السلام عليكم ورحمة الله
فؤجئت بهذه القضية ولكن ألا يمكن ان يكون ذلك التسريب قد حدث سهوا كما حدث في أحد المدارس حيث تم توزيع أوراق الامتحان لمادة وكان بينها ورقة لمادة أخرى وفوجئت الطالبة بالورقة امامها وقالت للمراقب ان اليوم امتحان مادة اخرى ففوجىء بالورقة ولكن ربما كان لديك حق اذا كانت امتحانات ثانوية عامة حيث يجب التدقيق وعدم السماح بحدوث مثل هذه الاخطاء .. ربنا يلطف بينا .. تحياتي

Fahd يقول...

يا اخي ارفض ان نناقش مشاكل جزئية

اذا كنا نريد الحل فعلا ونرفض ان نوجع رؤسنا بكلام لن يفيد فيجب ان نحل المشكله من اساسها

هناك فساد يا اخي

فساد استشري في كل شيء

ربنا يستر علينا

أم أحمد المصرية يقول...

اخي الفاضل
موضوع له علاقة بعملي اول تعليق كمان و لأنه عملي فأنا ادري به دعني ابشرك انه سيمر مرور الكرام و دعني ابتسم امام مطالبتك بعزل كل من يتورط بتهم خيانة الامانة :) اعزل 90% من كبار الناس انا لم اقل 100% حتي لا تتهمني التشاؤم سلم لي علي الثانوية العامة و يا عيني عليك يا حمد يا بن ام احمد

ست البيت يقول...

سلام عليكم يا ربان،،،،
عاوز تعزل كبرات البلد عشان .. يا عيني ...سربوا الامتحانات لأبناءهم
أمال يسربوها لمين لحضرتك
مش مكسوف من نفسك؟ عيب يا راجل انت حتعمل زي اللي قالوا نعيد الالمتحانات ؟
عيييييييييييييب يا ربان؟ عيب يا مواطن انت مواطن عير صالح ولا أييييييييه
أحنا مش في عصر أستهبااااااااااال ولا ايهههههه؟
عموما أنا معك قلبا وقالبا يجب أن يستبعد هؤلاء الطلاب ويرسبوا هذه السنة ومن واجب النائب العام أن يعزل هؤلاء القلة المندسة على شرفاء مصر
ويحرم أبناءهم من دخول الامتحان سنتين ليكونوا عبرة لمن يعتبر

أم فريده يقول...

استاذى العزيز

متى تم عزل اى مسئول عن ارتكابه اى اخطاء؟

المحاكمة على الاخطاء تاتى دائما بعد العزل من السلطة
اذكر لى هل سمعت فى يوم قضية على المسئول الحالى ام على المسئول السابق

من الذى سيعاقب فى هذة المشكلة ؟
انا اقولك صغار الموظفون وليس الكبار
ليس القدوة يستطيعون تحمل المسئولية بل ستلقى على عاتق الصغار مهما كان خطا الكبار

كيف بانهم اباء لهؤلاء الابناء قبل ان يكونوا مسئولون ونعم هذه القدون التى ستخلق من ابائهم
رجال مستقبل يتخدمون ايضا مناصبهم اي كانت
هؤلاء الابناء يعدوا جيل لم ياخد حقه من الرعاية وتعاليم الاخلاق لن ينفع ابدا بعدها العلم
فالتربيه قبل العلم

ولك تحياتى وتقديرى

الربان يقول...

المفقوعة مرارتها

تحياتي

أصحابها نحن...الشعب...كلنا مسؤلين عن
مصر... كلنا بنضحي من اجلها...من في
مصر لم يكن له شهيد او مصاب في حرب من
الحروب دفاعا عن مصر...

و ما خفي كان اعظم بالفعل...و بالصدفة قرأت موضوع متصل بهذا الموضوع
في جريدة البديل مساء امس.

تحياتي و تقديري

الربان يقول...

رئيسة حزب الاحلام

تحياتي

فعلا طريقة مستفزة...و تنم عن لا مبالاة
و تضرب الدين و القيم و الفطرة السليمة في مقتل....من هنا كانت هذه الدعوة .

تحياتي و تقديري

الربان يقول...

Rovy

تخياتي

اشكرك كل الشكر...

اولاد ابرياء يدفعون الثمن من تعبهم
وكدهم و مالهم و اعصابهم...بل و اسرهم
ايضا يدفعون معهم....
ويأتي اللاهون العابثون ليحصدوا نتائج
لعبهم و لهوا بواسطة لجان خاصة يتم فيها كل التجاوزات من الالف الي الياء.

تحياتي و تقديري

الربان يقول...

أمل

تحياتي

التسريب تم بفعل فاعل...تخيلي حضرتك عضو بالمجلس المحلي....اشتري لابنته ورقة
امتحان ...حتي تتفوق في المادة...هذا الكلام من واقع التحقيقات في النيابة
العامة.....

نسينا كلنا الحديث الشريف للرسول صلي الله عليه و سلم " من غشنا فليس منا".

تحياتي و تقديري

الربان يقول...

Fahd

تحياتي

أخي العزيز....احترم رايك و اقدره.

لكن أخي العزيز اسمح لي ان اقول:

- محاربة الفساد لا يمكن ان تتم مرة واحدة ، بل مرات متعددة في اماكن متفرقه.

- هذه القضية ليست جزئية او فرعية، لانها تمس ابناء مسؤليين...فسدت ضمائرهم
وافسدوا الاخرين من التعليم للموافقة
علي عقد لجان خاصة ، بل افسدوا ابنائهم ايضا،لانهم سيعتادوا الغش و الفساد...و سيكونوا ايضا يوما ما مسؤليين.

تحياتي و تقديري

الربان يقول...

أم أحمد المصرية

تحياتي

للاسف هذا ما أخشاه...و هذا ما يتم الان فعلا...لم نسمع عن اي محاولة للكشف
حتي عن اسماء اصحاب اللجان الخاصة...بل
هي طي الكتمان....

من واقع عملي بالجامعة...الطالب الذي يثبت انه غش بالفعل بيفصل نهائيا من الجامعة ...و يكتب في سجل الدراسي انه
مفصول لاسباب تأديبية....فلا يجد جامعة
اخري محترمة تقبل به...

تحياتي و تقديري

الربان يقول...

ست البيت

تحياتي

فعلا انا مكسوف من نفسي...و مكسوف لبلدي...و مكسوف لكل ما نادت به الاديان و القيم النبيلة...التي ضاعت
و أضاعها فئة ضاله لا تخاف الله.

و اشكرك لتضامنك و تأكيدك علي محاربة
الفساد و كل من استفاد منه...

وارجو من كل اخواني واخواتي ممن لهم
ابناء او اخوة بالثانوية العامة الا
يحزنوا ان حصلوا علي مجموع ليس كما
كانوا يرجوا.....يكفيهم انهم حصلوا عليه بجهدهم...و تعبهم...مع اعلاء قيمة
العدل و النزاهة....فلنفرح بابنائنا
واخوتنا الذين ادوا امتحاناتهم بعيدا عن الغش و اللجان الخاصة.

تحياتي و تقديري

الربان يقول...

دعوة للحب

تحياتي

اولا القانون يجب ان يكون فوق الجميع
ثانيا مصلحة الوطن هي الاسمي و الاعلي
و ليس من مصلحة الوطن ان يكون بعض
مسؤوليها ممن خانوا اماناتهم و خانوا الله و رسوله.

ثالثا...تمت محاكمة د.محيي الدين الغريب
وزير المالية سابقا...و سجن...ثم تبين
برأته بعد ذلك....يعني تفعيل القانون
يتم حسب الحاجة و حسب الرغبات ...وا اسفاه.

تحياتي و تقديري

فى حب الله يقول...

المشكله يا جماعه مش فى الي سربوا الامتحانات او عملوا لجان خاصه لان الموضوع ده مش جديد ده كل سنه بيحصل بس للحظ ان السنه دى اتكشف منه حته صغيره المشكله يا عيني فى الي باقي إلى بيمتحنوا من غير لجان خاصه ما هو بعد الي حصل بقت اللجان زى الزفت والطلاب يعيني بقت نفسيتهم فى الحضيض وجالهم اكتئاب من الي بيشفوه كل يوم ويقرأوة فى الجرايد طب يعملوا ايه يعني اهو النهاردة قريت عن انتحار 2 واحد من من بورسعيد والتانيه من الجيزة طب ليه المفروض الحاجات دي متتكتبش فى الجرايد حرام كده دمروا العيال والله انا خايفه مش عارفه بنتي لم تدخل الثانويه النيله دى هتعمل ايه ما انا خايفه هيا كمان بعد كده يجي لها اكتئاب وتنتحر هي كمان لا قدر الله
ارجو منا جميعاً اندعوا إلى أبنائنا الطلاب ان يجعل الله لهم العسر يسر
اللهم لا سهل الا ما جعلته سهلا وان شئت جعلت الصعب سهلا

غير معرف يقول...
أزال المؤلف هذا التعليق.
غير معرف يقول...

الأستاذ و الأخ العزيز الربان

اتفق معك صديقي في ان لازم المسؤلين عن تسرب الامتحانات ان يعاقبوا بالعزل من مناصبهم لأن من غير المعقول ان خائن الأمانه يظل في منصبه و كأن شئ لم يكن هذا ظلم للشرفاء الذين يؤدون اعمالهم بكل اخلاص و امانه
بخصوص تسريب الامتحانات اعتقد ان هناك سبب قوي لاكتشاف الموضوع الان لأن كما قرأنا الموضوع بقاله كذا سنه يعني مش وليد السنه دي و اعتقد برضه مش بس في المنيا لان مع اختراع الموبيلات اصبح العالم قريه صغيره و صدقني انا بسمع عن مهازل بتحصل في الجامعات الخاصه بأستخدام الموبيل

تحياتي صديقي علي الموضوع الهام

الربان يقول...

اجندا حمرا

تحياتي

اشكرك كل الشكر....

طبعا الغش موجود من زمان...لكن لم يكن
بصفة رسمية...

بعض الخبثاء يتحدثون عن ان الكشف عن
هذه الاحداث و تسليط الضوء عليها له
اهداف منها :

1- الترويج لفكرة امتحانات القدرات
التي ستطبق بالاضافة الي امتحان الثانوية العامة.

2- تقليل عدد الطلبة الذين سيلتحقون بالجامعات الحكومية.

3- دفع المزيد من الطلبة للالتحاق بالجامعات الخاصة...و ذلك بعد خضوعها
للضرائب....

علي فكرة وجدت فيديو كليب علي جريدة
البديل للغش في أحد المعاهد العليا...

امر اخر ياريت يتسع صدرك له...بما
انك طبيبة اسنان...ياريت يكون فيه
مدونه عن طب الاسنان...يقدر الناس
يتثقفوا و يستفيدوا....

تحياتي و تقديري

الربان يقول...

في حب الله

تحياتي

فعلا المشكلة الكبري هي الطلبة..و انعكاسات ما يحدث علي نفسيتهم...و طبعا قد يفكر البعض منهم في الغش كوسيلة...طالما ابناء الاكابر يفعلون

ندعوا الله ان يفرج الكرب و الغم

تحياتي و تقديري

Desert cat يقول...

استاذى العزيز الربان
هحكى لحضرتك موقف وانا فى اولى ثانوى حصل معايا فى الامتحان
طبعا اولى ثانوى بيكون المراقبين من داخل المدرسة يعنى المدرسين بتوعنا
ومن اول يوم امتحان كانت فى مدرسة تدخل تسلم على المراقبين اللى فى اللجنة المدرسة دى برضه كانت من المدرسة وكلنا عارفينها المهم انها تقف تتكلم معاهم شوية وتسالهم الامتحان عامل ايه واخت جوزها كانت معانا فى اللجنة بعد ما تسلم وترغى شوية مع المراقبين تدخل وتروح مديالها ورقة اجابة فى الخباثه كدا وتطلع انا كنت قاعده فى الديسك اللى قصاد البنت دى كل لما اشوف كدا احس ان دمى بيغلى فات اول مادة وتانى مادة فى المادة التالته من غير ما احس بنفسى وقفت قولت لها لاء بقى مينفعش اللى حضرتك بتعمليه .. لاقيتها بتبص لى من فوق لتحت وبتقولى بعمل ايه .. قولت لها بتيجى تدى قريبتك برشام وانا اصلا صوتى عالى فى الطبيعه يعنى فضيحه وبكدا بتضيعى علينا احنا مذاكرتنا والله هنزل اقول للمديرة ومش عايزاه امتحانات طبعا هى مرديتش خالص واخدت بعضها وجريت وكانت ميس سماح وقتها مراقبة علينا قالت لى طيب اتفضلى كملى انا مش خدت بالى من حاجه دى قالت انا هسالها لو عايزه حاجه وامشى تانى بس برافو عليكى وفعلا من بعدها مدخلتش عندنا اللجنة تانى خالص بس فى 2 ، 3 استلمتنى كل لما تشوفنى تقولى تعالى هنا انتى لبسك مينفعش يكون لبس طالبه .. ليه يا ميس انا لابسه كويس وده يونيفورم المدرسة تقولى طولى الجيبه شوية ... انا مبعرفش انزل السلم واحدة واحدة كدا تلاقينى بجرى عليه الاقيها بتنادينى عيب بنت فى ثانوى تجرى على السلم زى العيال كدا وقرفتنى طول السنتين اللى كنت فيهم فى المدرسة كل شوية الاقيها بتنادينى وتدينى ملاحظات هايفه كنت بسيبها تكلم نفسها وامشى اخر ما جبت اخرى منها قولت لها والله هروح للمديره وسبتها وجريت فى الحوش بس بالرغم من عدائها ليا كسبت صداقة ميس سماح واللى لحد دلوقتى لما بتقابلنى فى شارع الاقيها واخدانى بالحضن
خلاصة الرغى بتاعى ده كله ايه واعتذر جدا على التطويل فى الرد
ان الموضوع ده بيحصل من زمان ومش هيكون اول ولا اخر مرة يحصل المفروض يكون فى رادع طالما فى ناس معندهاش ضمير
انا فى الجروب بتاعى اخلاق للبيع على الفيسبوك كنت طرحت سؤال لو الاخلاق فعلا بتتباع كنت اشتريت ايه لاقيت الكل داخل يقولى الضمير
وتحيا جمهورية صفط اللبن
اسفه على الاطالة
احترامى وتقديرى

وجهة نظري يقول...

دا نموذج مصغر من فساد المسؤولين .... محدش يقدر يعزل حد لأنها شبكه منفده علي بعض مينفعش تتكسر.... أصلا إلي حيعزل الفاسد دا كان مسرب الإمتحان لقرايبه في سنين فاتت، فحيقول إيه لما ييجي يعزل حد دلوقتي؟

دا مش بس مسرب إمتحانات قبل كده، دا مفوت قوانين مشبوهه، ومسهل إحتكارات، وواخد رشاوي، ومتواطيء لإخفاء جرايم ..... طب لما ييجي يعزل حد تاني علشان فاسد حيقوله إيه؟

تحياتي ليك

الربان يقول...

Desert Cat

تحياتي

اهلا و سهلا بحضرتك و اشكرك لانك ذكرتي مثال حي للغش في امتحانات النقل..
و طبعا أكيد هذا كان بيحصل في مدارس أخري...لكن ما يقهر الانسان ان يكون
مخالفة الضمير....من مسؤليين كبار عن
الصحة و الشرطة و خلافه....

يبدو ان حضرتك منذ الصغر تتحلين بجرأة
وشجاعة...سبحان الله كنت نفس الشيء...

طبعا المدرسة أياها استلمتك لانك كنتي
ممكن تأذيها....فلما مرت بسلام ارادت ان تستفزك....
لكن في النهاية لا يصح الا الصحيح...و أكيد عرفت خطأها.

الفيس بوك...تعرفي انا متردد في معرفته.

تحياتي و تقديري

الربان يقول...

وجهة نظري

تحياتي

طبعا انا فاهم قصد حضرتك جيدا...
لكن لابد من خطوة البداية لمحاربة هذا
الفساد الذي استشري في التعليم...و اكل الاخضر و اليابس بدأ من الدروس الخصوصية الي تسريب الامتحانات..الي اللجان الخاصة...الي تعديل نتائج طلاب
و ما خفي كا أعظم.


تحياتي و تقديري

غير معرف يقول...

الأستاذ و الأخ الكريم الربان

طلبك علي راسي من فوق ياجميل و اوعدك حفكر في موضوع المدونه دي الخاصه بطب الاسنان
هو انا من وقت للتاني لما بتيجي في بالي فكره متعلقه بطب الاسنان بكتبها في مدونتي لكن وعد مني ححاول اعمل مدونه منفصله
تحياتي و تقديري ليك

RaRa يقول...

والله معاك حق

الربان يقول...

العزيزة أجندا

تحياتي

أشكرك كل الشكر علي استجابتك السريعة
وكلماتك الرقيقة...سلمتي من كل سوء...
وان شاء الله تكون المدونة في ميزان حسناتك لانك ستعلمينا و تضيفي الينا
بالموضوعات التي ستكون بمدونة طب الفم و الاسنان...

لك مني خالص التحية و الشكر و التقدير

الربان يقول...

Rara

تحياتي

الحق هو للمجتمع كله...لابد ان يقتص القضاء مما خانوا الامانة التي ولاهم المجتمع أياها....يقتص القضاء للطلبة
الشرفاء في الثانوية العامة.

تحياتي و تقديري