بالامس كان عيد الحب.... و طبعا كان فيه ناس سعيدة و أبضا ناس غير سعيدة... أنا قرأت في مدونه لاحدي الاخوات عن نفس الموضوع.... و تسألت الاخت... هل شعر أهلنا في فلسطين و العراق و لبنان و الجزائر بعيد الحب؟ و أيضا اضافت انها شاهدت مرضي الاورام في معهد الاورام ... و تسألت ...هل شعروا بعيد الحب؟
الحقيقة انا جاء في ذهني سؤال ....؟ لماذا نقصر عيد الحب فقط علي المحبين.... أقصد لماذا لم يتبرع المحبين بقيمة الورود و الهدايا الي معهد الاورام...او قصر العيني....أو أي مستشفي ....فنبعث الي المرضي المحتاجين رسالة حب ....
و بمناسبة عيد الحب أيضا قرأت مرثية لاحدي الاخوات تنعي فيه حبها... بسبب سفر الحبيب.... و الحقيقة الكلمات و المعاني هزتني بعنف..و أثرت في وجداني....أدعو الله لها ان يفرج عنها الهم و الغم و ينفث الكرب....و يرزق البنات بالازواج الصالحين .
تحياتي للجميع .
المشاركات
هناك ٤ تعليقات:
فعلا مفهوم الناس عن عيد الحب مغلوط جدا لأنهم بيقصروه على العلاقة بين الرجل والمرأة وهى أضعف انواع الحب فى رايى ده اذا كان ليها وجود أساسا
معتقدش أن القديس فالنتين كان يقصد بالتحديد هذا النوع من الحب لما ابتكر العيد ده.. أكيد كان مفهومه ليه أشمل من كده
manal
العزيزة منال ... شكرا لتشريفك و تعليقك الجميل... و اسمحي لي أن أضيف بأن الحب بين الرجل و المرأة مازال موجودا...و سيظل...لكن بنسبة قليلة..نظرا لضغوط الحياة و انتشار البرامج خالية المضمون و تصوير المرأة علي أنها جسد جميل...في الفيديو كليب و الاعلانات...و حتي بعض المذيعات..
و أيضا دعوات المساوة بين الرجل و المرأة... مما كان له شديد الاثر في تأثر علاقة الحب الجميلة و تفسخها..
المرأة و الرجل متكاملان و ليس متسويان
و لكل منهما وظيفة مهمة جدا في الحياة خلق من أجلها... لو فهمت صح لاستراح الجميع.
ونسي الجميع ان الحب هو رباط روحي و نسمة جميلة تهفو بين قلبين...
مرة أخري شكرا لتشريفك و تعليقك و تمنياتي بالصحة و السعاة
عارف المشكلة ان الناس فاهمة عيد الحب غلط تماما ذى ما منال قالت
انا و اختى مش متجوزين و فى عيد الحب بنجيب هدايا لبعض و احيانا ورد كمان لما بعض الناس عرفوا الحكاية اتهمونا بالجنون و العبط و ان احنا نوفر فلوسنا احسن
انا بحب الهدايا بحس ان لو حد جاب لى هدية و لو وردة صغيرة و لو بعت لى رسالة حتى و افتكرنى باشعر بسعادة كبيرة بحس وقتها ان اليوم حصل فيه حاجة جميلة و بحب افرح كل اللى حواليا
فى عيد الحب الناس مفروض تفتكر بعضها و تتجمع سوا يعنى لو اصدقاء او قرايب شغلتهم عن بعض ظروف الحياة يتجمعوا فى اليوم دة و يقضوه مع بعض من غير حتى هدايا
ليه الناس بتقول على عيد الحب بدعة ما هو احنا ماقولناش انه فرض لازم الناس كلها تجيب لبعض هدايا فيه احنا كل اللى بنقولة خلوا عيد الحب دعوة للتسامح و التزاور الى نص عليهم الدين و لا ايه ؟
اسفة للتطويل .
تحياتي يا نهي
عندك حق....الحب ليس بالضرورة يكون بين رجل و امرأة كأحباب.... يمكن يكون بين الاب و الام و الابناء....يمكن يكون بين الاخوة و الاخوات.... وفي رأيي ان البداية الصحيحة للحب تبدأ من هنا...
و بعدين يأتي الحب بين الاخرين...
انا أحيي فيك حبك لاختك...و يارب كلنا نبدأ البداية الصحيحة...
تحياتي و تمنياتي لك بكل السعادة و الحب للحياة و للاخرين.
إرسال تعليق