تحياتي للجميع .....
اولا.....أتقدم بخالص الشكر و التقدير لكم جميعا علي تمنياتكم الطيبة بمناسبة الاجازة....و العودة الي قاهرة المعز......اللهم أعز مصر و المصريين....و ارفع الغلاء و البلاء عن البلاد و العباد.....يا رب العالمين.
أسعدتني كلماتكم.....و أضاءت قلبي بنور الحب في الله..... فلكم جميعا خالص تحياتي.
ثانيا...... خلال الاجازة كانت هناك بعض الاشياء التي استفزتني....حقيقي لا ادري لماذا يعاني بعض المصريين من العطش صيفا؟!!!
ألنقص في محطات المياه ؟....و ان كان الامر كذلك...هل يعرف المسؤلون السياسيون ذلك؟....و لماذا لم يتم التحرك....مبكرا ...و قبل
هذه الازمة ...
هل الساحل الشمالي بقصورة و فيلاته و شاليهاته....و ملاعب الجولف و حمامات السباحة عانت ايضا من نقص المياة؟....
أعتقد اننا في مصر بحاجة شديدة للبدء في إقامة محطات تحلية للمياه..... نعم نحن بحاجة ماسة الي ذلك....فهل نبدأ من الان دراسة الامر
ام سنغفل عنه سنوات طويلة الي ان تقع الفأس في الرأس كما يقولون.
لنبدأ من الان في دراسة الاماكن المناسبة لاقامة هذه المحطات.....و لنبدأ من توجيه فرق مكتاملة من العلماء لدراسة الموضوع و الاجراءات التنفيذية....و التمويل....بل ايضا بحث علمي لانتاج محطات تحلية مصرية بتكاليف اقل....و ازعم ان مصر بها من العلماء
النابهيين في مجالات العلوم و الهندسة و التخصصات الاخري ، و يمكنهم عمل هذا المشروع القومي بالاشتراك مع القوات المسلحة.....
اعتقد ان هذا الموضوع اولوية كبري لمصر و المصريين كلهم.
تحياتي و احترامي و تقديري للجميع
المشاركات
هناك ١٤ تعليقًا:
الحمد لله عالسلامة يا ربان وان شاء الله تكون قضيت اجازة سعيدة .. وعلى فكرة موضوع المياه ده مهم جدا كلنا بنعانى منه ولازم يبقى فى حل ضرورى .. تحياتى وبداية كويسة بعد الاجازة
حمد لله على السلامة يا سيادة القبطان :) أيوه دى مشكلة متعلقة كمان انت نسيت ايام مدينة نصر ؟ ... متعرفش باه اهمال و لا استعباط و لا استعباد
Bocycat
تحياتي....والحمد لله قضيت إجازة كويسة ، لكن طبعا المنغصات من سلوكيات البشر كان لها نصيب.....لكن عموما الاجازة كانت كويسه...و ان شاء الله سأكتب بوست عنها.
نعم أشاركك الرأي لابد من حل لمشكلة المياه...يسبق الزمن...و لا ننتظر حتي نري الشعب يخرج غاضبا من أجل مياه الشرب.
تحياتي...و شكري و تقديري.
عاليا حليم :)
تحياتي , و أشكرك علي المشاركة...بالطبع لم أنس أيام مدينه نصر...و المسؤلون برروا المشكلة بانفجار ماسورة المياه....و العلم عند الله بالسبب الحقيقي.
لكن إجمالا....لابد ان يكون هناك إستراتيجية واضحة لتوفير مياه الشرب
و الكهرباء و رغيف الخبز للمصريين...هذه أبسط الأشياء و الاولويات.
تحياتي و شكري و تقديري
حمد الله على السلامة ويارب رغم كل شى تكون قضيت اجازة سعيدة
العزيز
ربان سفينة الحريه
والله فرحت لما لقيت اسمك منور
فى البلوج عندي
حمدلله على سلامتك
واكيد المنغصات دي من الاركان الاساسيه لأي اجازة
:):):)
المشاكل فى مصر كتير جدا
ميه ومجاري
وعشوائيات
وأمراض
اما كون المسؤولين عارفين فالمصيبه انهم عارفين
ولو مش عارفين تبقا مصيبتين
وبعدين هو لو كل مسؤول بيعمل شغله صح وفيه متابعه و محاسبه ما كانش يبقا ده حالنا
ربنا يكون فى عون الناس ويرحمنا من الحكومه المفتريه دي
لازم يكون فى نظام محاسبه وإلا حنفضل كده من سيء لاسواء
تحياتي
أيوية
تحياتي و أشكرك علي تمنياتك الطيبة و اتمني للجميع السعادة الدائمة.
تحياتي و تقديري
Loumi
تحياتي و أشكرك علي تشريفك...و انا حريص دائما علي الاطلاع علي جديدك في مدونتك...لانها مشوقه.
في رأيي اننا في حاجة الي الاتي:
تحديد ماهية طبيعة عمل الوزير...اي وزير كان....هل لتوقيع البوسته او الوارد و الصادر ...و هو ما يقدر عليه اي موظف في الادارة المتوسطة...
أم ان و ظيفة الوزير هي التخطيط الاستراتيجي لوزارته ...
ماذا يفعل وكلاء الوزارات ؟ ماذا يفعل مدراء العموم بالوزارة....؟
أعتقد ان التنبوء العلمي او التوقع المحسوب علي اسس علمية هو من أولويات التخطيط...و ان الوزاء مسؤلون مسؤلية مباشرة عن ذلك.
أقترح علي كل وزير، حتي يبريء ذمته، أمام الله و الشعب ، اقترح عليه قبل قبوله المنصب ان يعرف علي وجه الدقة و التحديد ما هو مطلوب منه...و الوضع الراهن للوزارة المكلف بها....ثم يعلن للناس بعد قبوله المنصب الوضع الراهن بالنسبة للوزارة المكلف بها...و بعد قليل من الوقت يعلن خطته
لتلافي القصور او النهوض باعباء الوزارة المكلف بأعمالها.
و اكرر مرة أخري ان التعاون بين الوزراء مهم جدا...و اري ان كل وزير يعمل بمعزل عن الاخرين كأنه في جزيرة منعزله....و هذا خطأ كبير لا يصح ان نقع فيه.
تحياتي و أشكرك علي التعليق و معذرة علي الاطالة في الرد...
خالص تمنياتي
والله اول زياره ليا فى المدونات
الجميل فى كتابتك هى الحماس اللى بتكتب بيه
يمكن لان فيه كتير قوى فقدوه
بس احنا ولله الحمد عندنا مسؤلين مش بيدورا على اصلا حاجه الا لو كان بيسكن فى المنطقه مسؤل له وزن
بس فعلا لو كل واحد فكر يبدأ بنفسه من غير ما يفكر فى نفسه وبس ويعمل حاجه حاجات كتير قوى هتتغير
تقبل فائق احترامى
عالمي أزرق....
تحياتي...و أشكرك علي مساهمتك ...
هناك حلقة جهنمية تحيط بصانع القرار..هذه الحلقة هم من أصحاب النفوذ و الاموال....
تحياتي و تقديري ..و كل عام و انت و الجميع بخير
انت قافل التعليق فى الموضوع الجديد
مش لاقية مكان للتعليق
شفت يا سيدي الربان أديك لاحظت جانب واحد من المآسي اللي احنا عايشين فيها هنا علطول من مجرد قضاءك فترة قصيرة من الزمن هنا ف مصر
المشكلة ان القائمين على الأمر لا يهمهم الأمر ، عايشين منفصلين عن أرض الواقع وعلى فكرة الدراسات والبحوث والتحذيرات من الكوارث الطبيعية موجودة بس للأسف مفيش حد بيسمعها
تحياتي ليك وأشكرك على تدعيمي في مدونتي
كل سنة وانت طيب اللهم بلغنا رمضان .. حبيت اقول لك حاجة عالنيو لوك للبلوج اعتقد ان الاول كان احلى الالوان كانت فاتحة والكلام باين وبعرف أقرأه بسهولة وكنت حاسة كدة ان المدونة على بعضها كان شكلها مبهج .. تحياتى
السلام عليكم
كل سنه وانت طيب
وربنا يجعله خير على المسلمين اجمع
إرسال تعليق