الأحد، مايو ١٨، ٢٠٠٨

تحياتي

من دولة الامارات العربية المتحدة...

الموضوع الاول : مدينة الشيخ خليفة بالقاهرة..... تبرع الشيخ خليفة بن زايد ببناء مدينة تحمل اسمه هدية

الي شعب مصر.... امارة ابوظبي سوف تتولي الاشراف علي الانشاء...المهم في الموضوع

ان حكومة ابو ظبي طلبت من الحكومة المصرية ان يتم تمليك وحدات هذه المدينة للمنتفعين

من شباب مصر...او بأيجار رمزي.... أيضا ستقوم حكومة ابو ظبي بتوفير اعمال الصيانة للمدينة

مجانا ، من حصيلة مراكز الخدمات و الوحدات التجارية.....

الموضوع الثاني : امر السيخ خليفة بن زايد بشراء مليون طن من القمح هدية من سموه الي الشعب المصري.

تحياتي و تقديري و دمتم بالف خير...

هناك ٣٨ تعليقًا:

Fahd يقول...

انا مش بفهم في العلاقات الدولية

لو كان علي المستوي الشخصي كنت قلت كتر خيره والله

لكن انا معرفش ليه لمجرد قلبه طيب وبيحب شعب مصر ودولة عربية اسلامية شقيقة
لو كان كده يبقي ربنا يكرمه

لكن ساعات بسمع كلام كده علي اننا بنشحت منهم وهما بيمنوا علينا وكلام كده

ده بيزعل الواحد احنا لينا كرامة

وربنا يسامحة اللي خلانا نتزلل ونصعب علي الناس

احنا عندنا خير كتير

لكن عندنا حرامية ولاد .....ربنا ياخدهم

يلا خير الواحد بيحسن الظن برضه لحد ما يتعلم شوية عن العلاقات الدولية

عـــفـــراء يقول...

السلام عليكم
عظيم
فمهما كان مسمى ماعمل بة فجزاه الله كل الخير
وفعلا تحيا مصر بسياسة رئيسها التى هى دافع لعم الخير علينا ههه
تحياتى ...

الربان يقول...

Fahd

تحياتي

من واقع تجربتي في الامارات ...شعب و حكومة بيحبوا مصر و العرب بوجه عام..

و الامارات هي التي تبرعت ببناء المدينة و بشراء القمح... لم يطلب منها المصريون...

لفته طيبة...و لعلها تكون خير للمواطن المصري المطحون.

تحياتي و تقديري

خمسة فضفضة يقول...

السلام عليكم ورحمة الله وبركاته

معروف عن شعب الامارات انهم من اكثر دول الخليج محبه للمصرين
فشكرا للشيخ خليفه

المشكله بقي في كل ده ان الحاجات دي تروح في سكك الله اعلم بيها وما يستفدش منها اللي المفروض التبرع جاي ليهم

ربنا يستر

سمراء يقول...

والله كتر خيره لكن هو احنا بقيا مستنيين في بلدنا معاملة اللاجئيين
دي مصر ام الدنيا
اول منارة اشعاع للخير والعلوم والاداب والفنون في العالم
دلوقت اهل الخير بيحسنوا عليهم
ربنا يوقف لهم ولاد الحلال


واه مصراه
تحياتي
سمراء

أميمة كامل يقول...

رحم الله أيام زمان لما كانت المعونات تذهب من مصر لدول الخليج

حتى انهم كانوا يسمون النقود مصارى

على اسم مصر

لكن كتر خيره ياأخى الكريم ويلا حاول تلحق تحجز شقتك

وجهة نظري يقول...

ولسه بعترة الكرامه أكتر، طالما عندنا ناس يقدروا يشتروا بدل المليون طن إتنين وتلاته، بس هما عايزين يكوشوا وينهبوا من البلد من غير ما يدوا.

AHMED SAMIR يقول...

اؤكد لسيادتك من دلوقتي ومن موقعي هذا ان ااصحاب الشقق في المدينة دي اتعرفوا من قبل ما تتبني من ضباط شرطة لوكلاء نيابة لضباط جيش لاعضاء مجلس شعب
ولا عزاء لشباب مصر
تحياتي

Unknown يقول...

هو شكرا لكرمهم بس انا برضة مش حجابة كدة لية مبقاش عندنا كرامة وبنقبل الصدقة والمعونة

Desert cat يقول...

جزاه الله كل خير والله على عمله
والجميل انهم اللى هيشرفوا على المشروع اصل يمكن لو اللى اشرف عليه مصريين كان الفلوس راحت سويسرا ولا حاجه والشباب المصرى متعود على العشوائيات
والف شكر لسموه على تبرعه بالقمح
والله انا مكسوفه اوى لحكومتنا
جزاه الله كل خير

عاشــــــ النقاب ـقــــة"نونو" يقول...

السلام عليكم
الكلام دة بجد
يبقى كتر خيره
بس هنشوف الحاجات دي ولا ايييييه
الظاهر اييييييه

تحياتي

همس الاحباب يقول...

لهم الشكر والتقدير على موقفه النبيل
ويبقى عندنا الشيخ زايد
والشيخ خليفة
والمهم الاشراف والتنفيذ يتم بما يرضى الله والحكومة المصرية ترفع ايدها عن المشروع
اما القمح فسبحان الله مع اننا عندنا النيل وعندنا التربةالخصبة ونتسول القمح من دول العالم وليتك معنا يا يوسف يا صديق لتكون ملك على خزائن مصر وليتنا نتذكر تاريخنا ومجدنا القديم
تحياتى وتقديرى

امل يقول...

السلام عليكم
انا والله حاسة باحراج من الخبر ده
زي اما تكون صدقة
بس يالله هنعمل ايه
ربنا يـجزيه خير على كرمه

مجداوية يقول...

السلام عليكم
اخى الكريم قرأت التدوينات السابقة فمنذ فترة لم أحضر الى هنا فسامحنى وقد فاتنى الكثير من الافادة وأيضا التاج الذى أتمنى أن تحقق فيه كل احلامك

هذا الاهداء السخى لنا فى مصر أتمنى أن يصل الى مستحقيه ولا يضيع كما تضيع ثروات مصر من الداخل
لا أدرى اخى الكريم ولكن أحسست بغصة من هذا الكرم العربى لأن مصر أصبحت تقبل الصدقات

هذا احساس مهين
ولكن طبعا لا بد من شكر الكرام

la3lahakhier يقول...

السلام عليك قبوطان
انا نفس الاحساس اللى جه لمجداوية بردوا
احنا وصلنا للدرجة دى خلاص
لاحول ولاقوة الابالله

مـ~ـاجدولين يقول...

ليه تعتقدوا أن مصر تقبل صدقة ؟؟
في السياسه لكل شئ ثمن
الكويت عندما بنت جامعه ومستشفى في اليمن كانه ثمنه باهضا

تحيتي لك

الربان يقول...

عفراء

تحياتي

ربنا يجزيهم الخير...و ييسر لنا امورنا
و يرشدنا الي الطريق الصحيح.

تحياتي و تقديري

الربان يقول...

خمسة فضفضة

تحياتي

المدينة السكنية بلدية ابوظبي ستتسلم
الارض و تشرف علي المشروع...

القمح ربنا يستر و لا يباع في السوق السوداء بعد توزيعه علي الافران.

تحياتي و تقديري

الربان يقول...

سمراء

تحياتي

السياسات كلها فاشله... التعليمية
الزراعية...الصناعية...حقيقي نفسي
الاقي سياسة واضحة توصلنا لهدف او اهداف محققة في النهاية...

تحياتي و تقديري

الربان يقول...

Omaima

تحياتي

المدرسون المصريون كان لهك دور كبير... و ما زال اهل الخليج يقدرون هذا الدور
رغم تراجع اعداد المدرسين المصريين بالخليج حاليا....

تحياتي و تقديري

الربان يقول...

وجهة نظري

تحياتي

اخي الكريم هذه مساعدة من شعب محب و للعلم الرجل تبرع لمستشفي قصر العيني
حينما كان وليا لعهد امارة ابو ظبي
و والدة الشيخ زايد رحمة الله له الكثير
من المأثر...في مصر و الصين و باكستان
و اليمن...و غيرهم.

تحياتي و تقديري

الربان يقول...

ِِA.Samir

تحياتي

ياريت تيجي علي شباب الشرطة و النيابة...هم ايضا يستحقون كما يستحق
اي شاب مصري...
الخوف ان تُعطي لمن لا يستحق..اي تعطي لمن
يستثمرون و يبيعون...

تحياتي و تقديري

الربان يقول...

أيويه

تحياتي

هي لا صدقة و لا معونه...هي هدية...و الكثير من شبابنا في حاجة اليها...

كما ذكرت ان المدرسيين المصريين و المهنيين المصريين كانوا من اوائل الشعوب
الذين ساهموا في بناء دول الخليج يعني ممكن ان تكون هدية عرفان بجميل.

تحياتي و تقديري

الربان يقول...

Desert Cat

تحياتي

الحكومة ملخومة في ايه ؟ مش عارف...في تحقيق معدلات نمو مرتفعة...؟ لكن الناس لا تشعر باي نمو او تحسن...بل المشاكل تتفاقم.

ربنا يوفقهم الي ما يحب و يرضي.

تحياتي و تقديري

الربان يقول...

nonoymm

تحياتي

فعلا بجد...الناس دي مسؤولة ...

المدينة السكنية هاتشوفيها لانهم هم سيتولوا الاشراف علي بنائها.

القمح غير متأكد لانني لا اعرف طريقة توزيعه، لكن دعونا نأمل الخير ان شاء الله.

تحياتي و تقديري

الربان يقول...

همس الاحباب

تحياتي

بالفعل هم سيشرفوا علي التنفيذ...و ستكون مدينة رائعة...

صحيح عندنا نهر النيل و عندنا الايدي العاملة...
لكن السياسات الصحيحة غائبة او متخلفة.

تحياتي و تقديري

الربان يقول...

آمل

تحياتي

اختي الكريمة...حدثت المجاعة علي عهد سيدنا عمر بن الخطاب...و كانت المؤن
والزاد تخرج من مصر الي الحجاز...كما كان اسمها حين ذاك...

الكعبة كانت الي عهد قريب كسوتها كانت من مصر...

لا تشعري بالحرج...

تحياتي و تقديري

الربان يقول...

مجداوية

تحياتي
نورت المدونة يا حاجة...و اشكرك.

ان شاء الله تصل الي مستحقيها...
و الموضوع ليس صدقات...انما المؤمنون اخوة...

و قد قدمت مصر الكثير الي الدول العربية...و هذا نوع من انواع التعاون...

تحياتي و تقديري

الربان يقول...

la3lahakhier

تحياتي

الكل شاعر نفس الشعور...لكن الامور ابسط من هذا ، في رأيي.

تحياتي و تقديري

أنفاس الصباح يقول...

انتشار الفساد فى الذمم وانعدام الامانة فى المعاملات اصبح سمت المجتمعات للاسف الشديد فحتى لو احسنا الظن بالمانح فنحن لا نثق فيمن يديرون شؤننا ويتولون امورنا ووصل الحال الى المناداة بالعودة ليس لتعاليم الاسلام فحسب وانما الى انسانيتنا المختفية خلف ضباب المادية والانانية
حقا صدق الامام الهضيبى عندما قال (اقيموا دولة الاسلام فى نفوسكم تقم على ارضكم)
تحياتى ايها الربان الطيب.

الربان يقول...

ماجدولين

تحياتي

نعم لكل شيء ثمن...و الحياة أخذ و عطاء
و ان شاء الله خير .

تحياتي و تقديري

الربان يقول...

ايمان العزب

تحياتي و تقديري

ربنا يهدينا و يطهر انفسنا مما نحن فيه
و نعمل لصالح الجميع و ليس لفئة محدودة
تأخذ الخيرات و تترك الجمرات...

تحياتي و تقديري

Rania Lelah يقول...

فعلا الامارات حكومة و شعب بيحبوا المصرين و طبعا دة غير بلاد تانية فعلا مش بتحبلنا الخير
جزاهم الله كل خير
بس يا تعرى يا هل ترى الخير دة هنستفاد بيه فعلا
و لا هيروح فى خبر كان و ان و مازال و لعل
حسبنا الله

rovy يقول...

السلام عليكم
طبعا تحياتنا للشيخ خليفه .. بس بأتمنى فعلا ان الهديه تروح لأصحابها والشباب اللى فعلا محتاج لها .
دمت بخير
خالص تقديرى وتحياتى
rovy

Unknown يقول...

ماتشوفلى شغلانة فى الامارات بس ماعييش محرم ينفع ؟

الربان يقول...

Rania

تحياتي

ان شاء الله المدينة السكنية هاتكون لمن يستحقها...و القمح نتنمي ان يكون لمخابز العيش...و ليس للحلويات...
مليون طن كمية كبيرة...و ربنا يكفي الشعب المصري المسكين المستغلين و المحتكرين

تحياتي و تقديري

الربان يقول...

ٌRovy

تحياتي

ان شاء الله سيستفيد من يستحق...و لك نتوقع ايضا ان يكون هناك بعض التجاوزات....لكن المهم ان اغلبية الشقق بالمدينة هاتكون للشباب و بدون
مقابل او ايجار رمزي ...

تحياتي و تقديري

الربان يقول...

عالية حليم

تحياتي


الامارات لا تشترط وجود محرم...البلد مفتوحه ...و هاتلاقي من يرتدي النقاب
ومن يسير في الشارع كانه في اوربا...

ممكن ارسل لك لينك لمواقع حكومية و تبحثي عن وظيفة تناسبك...

تحياتي و تقديري