الخميس، مايو ٠٨، ٢٠٠٨

اضحك كركر....اضحك كركر...

تحياتي

المدونات معظمها بها احتقان شديد ... بسبب الاسعار و ارتفاعها

فكرت ان اضع بسمة علي وجوهكم اخواني و اخواتي ، يمكن

نخرج من حالة الإكتئاب التي بالمدونات....

استعدوا...


واحد فافى وهو نازل من البيت أمه سالته رايح فين؟

فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟

قال له يعنى أنا مقولتش لامى هقول لك أنت .


للتأكد من أنك أصبت بإنفلونزا الطيور أم لا، إليك الأعراض:

1- الشعور بالرغبة بالطيران 2- هز الرقبة بطريقة غير عادية

3- خروج الريش من تحت الإبط 4

- الشعور بالخجل إذا رأيت ديك... ...

هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه .


كان فيه بنت مشاغبه جدا في المدرسه راح الاستاذ وداها للناظر

فالناظر بيقولها انت عملتي ايه قالتلو انا بس رميت ورده من الشباك

قالها بس كده؟ خلاص روحي على صفك

بعد شويه جت بنت متكسره ومتعوره الناظر بيقولها انت مين

قالتلو اناورده اللي اتراميت من الشباك .

واحد بيقول لابوه هات خمسين جنيه قاله ايه اربعين ايه

هاتعمل ايه بالتلاتين جنيه ممعيش غير 2جنيه انت جنيه وانا جنيه .

واحد جمع اطفاله الخمسة وقال لهم :

الذي يستحق مكافأة الاسبوع هو من يلبي كل رغبات ماما فمن تظنون يكون ؟؟؟؟؟؟؟؟؟؟؟؟؟

صاح الأطفال أنت يا بابا .


واحد قبل مايموت جمع ولاده التلاتة وحب يوصيهم يفضلوا ايد واحدة ،

وأعطى لكبيرهم عود خشب كسره بسهوله أعطاه اتنين كسرهم بسهولة برضه

أعطاه خمسين عود كسرهم بسهوله قال لهم طالما معاكم البغل ده مافيش خوف عليكم .

عريس بيقول لعروستة لازم تعرفي ان كلمتي في البيت زي الساعه

بصتلو بنظرت غضب...قالها يعني لا بتقدم ولا بتأخر .

نادر تجوز نادرة جابوا ولد مهدد بالإنقراض .

سُئل جحا : أيهما أفضل يا جحا المشي خلف الجنازة أم أمامها ؟ ..

فقال : لا تكن على النعش و أمشي حيث شئت.

واحد مسطول بيقول لصاحبه مش عارف يا أخي عود الكبريت ده ما بيولعش ليه

مع إنه لسه مولع من شوية!

ياريت تكونوا تبسمتوا و خرجتوا خارج المود المتشائم.... ربنا سيفرجها

ان شاء الله....

تحياتي و تقديري و دمتم بألف خير.

ـــــــــــــــــــــــــــــــــــــــــــــــــــــــــــــــ

ملحوظة : هذه الضحكات منقوله....و لذا لزم التنوية

هناك ٤٤ تعليقًا:

Miss. Sosa يقول...

قاقتني بجد ... طيب انا بدأت اكاكي اخد ايه يا دكتور
بجد جامدة جدا المدونة دي

انين الحزن يقول...

ربنا يخليك للغلابه والمساكين

والناس اللي خدوه علاوة

للتأكد من أنك أصبت بإنفلونزا الطيور أم لا، إليك الأعراض:1- الشعور بالرغبة بالطيران 2- هز الرقبة بطريقة غير عادية3- خروج الريش من تحت الإبط 4- الشعور بالخجل إذا رأيت ديك...
عجبتني اوي دي بما اني وزة بقه

تسلم ايديك

سلاموووووووووووز
وزة

سمراء يقول...

النكتة هي فن من الفنون
بدراسته تستطيع ان تتعرف على مشكلات وعادات وتقاليد شعب ما في فترة زمنية
والمصريين ولاد نكتة
وهي الطريقة الشاخرة اللي بيهونوا بيها على نفسهم همومهم ومشالكلهم
وبيضحكوا على اوضاعهم احسن ما الناس تضحك عليهم
ان هذه الدراسة هي احدي اهتماماتي
احييك
سمراء

la3lahakhier يقول...

ههههههههههه
حلوة بتاعت الفافى دى دا محنوق اوى
هههههههههه
واشمعنى فافى يعنى هههههه
كل التحية اخى الكريم

AHMED SAMIR يقول...

والله العظيم انت راجل زي العسل
تحيااااتي

Empress appy يقول...

هههههههههههههه ر بنا يكرمك يا رب ضحكنتي شويه

cinderella يقول...

هههههههههه
حلوه قوي يا ربان
والله مت ضحك وكركرت كمان
صحيح ضحك في زمان البكاء
يالا مشكور مجهودك والله
تحياتي لك

أميمة كامل يقول...

اضحك الله سنك

من ادخل السرور على قلب مسلم جزاؤه عظيم لا اذكر نص الحديث وهو فيما معناه
ان الله لا يجد له ثوابا يعادل الجنة
ربنا يكرمك فعلا كنا محتاجين نضحك
بس المهم مش نضحك على نفسنا

walaa يقول...

ههههههه
حلوه مين اكتر واحد بيسمع كلام ماما
ههههههدى مجرد نكته
شكرا ليك ولاء

غير معرف يقول...

الأستاذ الكريم الربان

و الله جم في وقتهم الواحد فعلا محتاج يخرج نفسه من الموود بتاع اليومين دول و يسمع حاجه تضحكه

عجبتني اوي الاولانيه بالأخص
:)
تسلم و تشكر عزيزي علي البسمه الحلوه اللي رسمتهم

Heart Beat يقول...

الاستاذ الربان

اشكرك بجد على الابتسامة الجميلة اللي بتديها لنا بين الحين و الاخر

فعلا الاحتقان بين المدونات بقى على اشده

لكن الحمدلله ان بين المدونين شخصية رائعة زي حضرتك تذكرنا ان الابتسامة لازالت موجودة على الارض

تحياتي

Desert cat يقول...

والله تسلم ايدك يا فندم
كلها جميلة بس اللى ضحتنى اوى نكتة وردة اللى اترمت من الشباك
احترامى وتقديرى

رئـــــيسـة حزب الأحلام يقول...

والله انت حد عسل فعلا كنا محتاجين جرعة الضحك دى عشان يزيلوا الاكتئاب اللى عندنا وتحياتى لك

منى يقول...

اه ضحكت
فعلا جت فى وقتها
بس اختيار موفق بجد
شكرا لحضرتك جدا
تحياتى

حسبي الله ونعم الوكيل يقول...

هههههههههههههههههههههههههههههههههه
هههههههههههههههههههههههههههه
هههههههههههههههه
تحياتىلك

rovy يقول...

الله بجد ضحكتنا واضح انك مصر من البوست اللى فات انك تضحكنا ..
ربنا يخليك يارب بجد عندك حق مفيش فايده ومفضلناش الا الضحك نلحق نضحك شويه قبل ما يتفرض عليه ضرائب ولا يقل او لا قدر الله يفنى ..
خالص تحياتى وتخيات كل المساكين اللى اخذت ثواب فيهم وضحكتهم ..
ودمت بخير وسعاده وهناء يا رب دايما
تحياتى
rovy

الربان يقول...

Miss__sosa

تحياتي

أشكرك....و بما انك سألتيني عن الدواء
انصح حضرتك الا تذهبي الي منطقة ابو الريش بحي السيدة زينب بالقاهرة...لانها ممكن تعمل مضاعفات...ههههههههههه.

تحياتي و تقديري

الربان يقول...

انين الحزن

تحياتي

أشكرك و اشكر الغلابة و المساكين الذين انتمي اليهم..

الف سلامة علي حضرتك يا وزه هانم,

تحياتي و تقديري

الربان يقول...

سمراء

تحياتي

بالفعل حضرتك...النكته وسيلة نستطيع
من خلالها ان تعرف علي اشياء كثيرة من حياة الامم و الشعوب.
بل و ايضا التأريخ لمرحلة من المراحل التي مرت بها الامة...و النكته السياسية
خير دليل علي ذلك.

تحياتي لك و كل التمنيات بالتوفيق.

الربان يقول...

La3lahkhair

تحياتي

طالما عجبتك نكته الفافي...اقول لحضرتك
واحدة ثانية.

فافي راح محل لبيع الخضار و سال البائع:

عندك ملوخية خضرا...
البائع أجابة ...اه يا بيه
الفافي ساله...طيب مافيش عندك الوان تانيه...

هههههههه.

تحياتي و تقديري

الربان يقول...

ِِA.Samir

تحياتي

أشكرك أخي الكريم...انت الافضل و الاحسن.

تحياتي و تقديري

الربان يقول...

Appy

تحياتي

أشكرك كل الشكر.

و ربنا يخفف عنا جميعا ما نحن فيه...

و يدخل السعادة الي قلوب الجميع...

تحياتي و تقديري

الربان يقول...

Cinderlla

تحياتي

أشكرك كل الشكر.

الحمد لله ان البسمة عادت ...محتاجين هدنه
من الاكتئاب.

تحياتي و تقديري

الربان يقول...

Omima

تحياتي

و أضحك الله سنك ايضا.

أيضا ادخال السرور علي قلب مسلم
من احب القربات الي الله تعالي...ياريت
نتنبه لهذا..هسي الله ان لا يجعل بأسنا
بيننا.

تحياتي و تقديري

الربان يقول...

Walla

تحياتي

بالرغم من انها نكته...الا انها احيانا تكون حقيقة....لان بعض الزوجات تقلب
الحياة الي غم في حالة عدم الاستجابة
الي طلباتها....
و العين الحمرا...و الوجه الاخر...كله علي راس الزوج المسكين....ههههههههه.


تحياتي

la3lahakhier يقول...

ههههههههههه
الله يفرحك برضاه ويسعد قلبك بصحبة الحبيب المصطفى يارب
اشكرك

الربان يقول...

اجندا حمرا

تحياتي

الحمد لله انهم في وقتهم...لعل البعض منا
يخرج من حالة الكأبة التي يمر بها معظمنا
نسأل الله ان يجعل ايامنا سعادة...و سرور.

تحياتي و تقديري

الربان يقول...

Heart Beat

تحياتي

أشكرك و الحمد لله ان البسمة عادت و نتمني ان تظل بيننا لنساعد انفسنا علي
التغلب علي مشاكلنا اليومية المتزايدة.


تحياتي و تقديري

الربان يقول...

Desert Cat

تحياتي

تعرفي نكته وردة اضحكتني كثيرا...لانني تخيلت وردة انسانه ضعيفة و زميلتها المفترية القوية...بترميها من الشباك..

ياتري احنا الوردة و الحكومة هي التي رمتنا من الشباك...ام العكس...

تحياتي و تقديري...

الربان يقول...

رئيسة حزب الاحلام

تحياتي

أشكرك علي ذوقك.

و ربنا يجعل كل ايامنا بسمة حانية نتراحم بها بيننا.

تحياتي و تقديري

الربان يقول...

مني

تحياتي

اشكرك ..و احمد الله ان هناك ما جلب البيمة الي وجوه البعض منا.

تحياتي و تقديري

الربان يقول...

حسبي الله و نعم الوكيل

تحياتي

أشكر حضرتك كل الشكر.

تحياتي و تقديري

الربان يقول...

Rovy


تحياتي ..

اشكرك كل الشكر.

ياريت تكون البسمة هي و سيلتنا حتي نخفف عن بعضنا مشاكل الحياة اليومية
و مشقة الحياة...

تحياتي و تقديري

الربان يقول...

La3lahakhair

تحياتي

اشكرك كل الشكر علي دعوتك الجميلة...
و انت ايضا ربنا يفرح قلبك...و يوعدك
بحج بيته الحرام و زيارة مسجد الرسول صلي الله عليه و سلم.

تحياتي و تقديري

namer يقول...

ربنا يجزيك على قد نينك
ومتشكرين الشويةفرفشة

موناليزا يقول...

ربنا يسعد ايامك ويجازيك كل خير

أنفاس الصباح يقول...

اضحك الله سنك ايها الربان الطيب ،غبت فترة عن متابعة مدونتك بسبب بعض المشاغل ففاتنى الكثير ماشاء الله عليك بس رجاء بلاش حكاية زيارة بزيارة دى حتى لو لم ازورك لا تحرمناتعليقاتك المفيدة وكله بأجره عند ربنا .

الربان يقول...

Namer

تحياتي

جزانا و جزاك الله الخير كله أخي الكريم.

سُعدت بتشريفك.

تحياتي و تقديري

الربان يقول...

Monaliza

تحياتي

و ربنا يسعد كل اوقاتك...و يجازيك خير
الجزاء...سٌعدت بتشريفك.

تحياتي و تقديري

الربان يقول...

ايمان العزب

تحياتي

و أضحك الله سنك امن أيضا أختي الفاضلة.

وانا من المتابعين لمدونة حضرتك...و ان لم اعلق احيانا لانني قد أجد احد من الاخوة المدونين قد سبقني و قال ما كنت اود ان اقوله...

سُعدت بتشريفك

تحياتي و تقديري

NilE_QueeN يقول...

كل الكلام دا جامد

خصوصا بتاعة ورده

بس بردوا كان فيه حاجات من نوعية الهم اللى يضحك

الربان يقول...

Nile_queen

تحياتي

سعيد ان البعض نال اعجاب حضرتك
و نكته وردة اعجبتني انا ايضا.

تحياتي و تقديري

حاجات جوايا يقول...

ههههههههههههههههههه
ربنا يبارك فى حضرتك

كلهم حلوين جدااااا
بس عجبتنى أكتر دى

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضهأعطاه خمسين عود كسرهم بسهوله قال لهم طالما معاكم البغل ده مافيش خوف عليكم

هههههههههههههههه
الراجل كان لسه هيديهم مواعظ فى الوحدة وعدم التفرق
لقى مفيش فايده قليل كتير هيتكسر على ايد .... ابنه " الجاامد"

دمت بخير اخى
سالى

الربان يقول...

Sally

تحياتي

أشكرك كل الشكر علي ذوقك...ربنا يبارك فيك...و يسعد كل اوقاتك.

تحياتي و تقديري