تحياتي
الصور التالية للسيد / شيمون بيريز في دولة " قطر " الشقيقة
الصور للرئيس الاسرائيلي و هو يتجول في أسواق قطر الشعبية
اترككم للتأمل.... و بدون تعليق .
تحياتي و دمتم بالف خير....
المشاركات
هناك ٢٥ تعليقًا:
لا بجد
هى دى بجد
هما الناس دول عارفين ده مين ولا مش عارفين
الناس البسيطه اللى فى السوق دول عارفين ده مين بجد لا مش مصدقه
Appy
تحياتي
طبعا عارفين...اعتقد ان شكله لا يختلف
عليه أثنان...أيضا هناك الحراسة حوله
يعني علي الاقل من لا يعلم سيسأل...
تفتكري ان هناك فتاه تمد ايدها بالسلام
لشخص لا تعرفه....يعني ممكن اروح المول و اسلم علي فتاه لا اعرفها ...؟ هل ستبادلني هي السلام ام ستصفعني ؟
هل تعلمي حضرتك ان رئيس الوزراء القطري و وزير الخارجية في نفس الوقت
له قصر في اسرائيل...؟....
انا لا اتهم احد بشيء...و لا احبذ هذا لكن احضرت الصور و نزلتها في البوست بعد انتهاء موضوع غزة...حتي نلتقط انفاسنا و نفكر.....
تحياتي و تقديري
مش عارفة هى بجد ولا لاء
بس عشان تكتمل الصورة حط صور الحخامنات بتعهم وهم فى مولد ابو حصيرة او و هم ملط على شاطئ شرم الشيخ والبيع والتجارة بينا وبينهم عادى برضة
وللمصداقية حط صورة العلم الاسرائيليى وهم بيرفرف على نيل الجيزة فوق كوبرى الجامعه
مش فى قطر بس
عمليات الطبيع منتشرة وكبيرة
السلام عليكم الاخ الربان
هذه هي المقاطعة؟؟؟؟؟؟؟؟
حسبنا الله ونعم الوكيل
النازية الجديدة يرحب بها...
سلام
أستاذي الفاضل
بجد بتكسف إني كنت في يوم من الأيام عايشه في البلد دي
بس الصور دي فاقت كل مايمكن أن أخجل منه كمسلمة وعربيه
سأستعمل نفس كلمات أمير قطر
حسبي الله ونعم الوكيل
دمت سالما
اشــــــــــــــــــــــــــك
تمااااااااااااااما
الصور دي باين عليها قوي انها متفبركة من الجروب اللي اسمه ابو نواف دة والدليل لوجو الجزيرة اللي مقلوب
ايييييييييييييه ده
ايه القرف ده
ليه كده
انامش فاهمه الصراحه قطر عايزة ايه
ياعم اكيد مش عارفين
للي خلي شيخ الازهر ميعرفهوش الناس العادية هتعرفه
مش عارف اقولك ايه بس حسبى الله ونعم الوكيل
مقاطعه جميله اقولك ايه بس ان الله لهم بلمرصاد جزاك الله اخى
واتمنى زيارتك ودائما فى تقدم بأذن الله
طبعا هدفك واضح عشان تقول ان قطر تمارس التطبيع وان اللى بيعملوه من مواقف معلنة فى اثناء حرب غزة دى فرقعة اعلامية
طب ياترى حضرتك ليه مش بتعتب على مصر رائدة التطبيع
ويا ترى رايك ايه فى اتفاق كامب ديفيد
الحاجه الاخيرة يا اخى لما شوفت تعليقك عند قطة الصحراء
انت حتى موجهتش ليها اى عتاب وهى بتتكلم عن هنية وحماس والمقاومة بالطريقة دى
انا عاوز افهم انت مع المقاومة ولاايه
وتوجهاتك ايه بالضبط
يمكن يكون لكلامى بقيه لو وجدت منك رد
شكرا
اخى الفاضل
بجد مش عارفه اقول ايه .. يعنى الناس دى معانا و لا مع اعدائنا و اعدائهم
الناس دى فاهمه و لا مغيبه عن الدنيا و اللى بيحصل فيها ..
طبعا الصور مش محتاجه اى كلام و لا يقال سوى اللهم اهدينا جميعا الى ماتحب و ترضى ..
وحسبنا الله و نعم الوكيل
خالص التحيه
نهر الحب....
تحياتي اختي العزيزة...
حضرتك عندك حق...بتتكلمي عن مولد ابو حصيرة....و اعتقد ان القضاء العادل اصدر جكمه بالمنع بالاحتفال.
السفارة الاسرائيلية...ايضا عندك حق
لكن ايضا لازم نفرق بين دول جوار حاربت
و الحروب استنفذت اقتصادها و قواها مثل مصر و الاردن و سوريا و فلسطين...
هنا السلام بيكون احيانا خيار اضطراري
و للعلم السلام بين المصريين و اسرائيل
سلام بارد و باهت...و مازال الاسرائيليون خوفهم الاكبر من مصر..و ليس من اي دولة اخري بالمنطقة...
تحياتي و تقديري
Salwa
تحياتي اختي العزيزة
المقاطعة مجرد كلام لتخدير الشعوب...
لو هناك صدق....لماذا لم يعلن رئيس الوزراء القطري عن تخليه عن قصره باسرائيل...بيعه مثلا...
اتمني ان أكون مخطأ...اتمني ان يكون هناك
مقاطعة حقيقية شعبية...
تحياتي و تقديري
A.Samir
تحياتي اخي الكريم
من حقك ان تشك...لكن اخي الكريم ارجو
منك ان تبحث علي النت عن زيارة شيمون بريز لقطر...
تحياتي و تقديري
الدكتورة إيمان مكاوي (أم البنين)...
تحياتي يادكتورة
ولما الخجل...نحن نعمل و نؤدي عمل لخدمة
الناس...و قطر دولة عربية ..و ستظل عربية ان شاء الله ...و ما يحدث الان هو السياسة...لكنها السياسة غير الشفافة
التي تبدي فيها عكس ما تضمرين..
فترة و تمر ان شاء الله....
تحياتي و تقديري لحضرتك
Shayma
تحياتي اختي الكريمة
قطر دولة نفطية...و هي صغيرة المساحة
و عدد السكان ايضا قليل...
هي تبحث عن لعب دور بالمنطقة...هذا حق مشروع لها...لكن لا يجب ان يتقاطع مع
حقوق الشعةب الاخري ...و لا يحاول ان ينمو هذا الدور علي حساب دول أخري.
تحياتي و تقديري
Fahd
تحياتي اخي الكريم
ممكن...ممكن الا يكون معلوما لديهم لكن بالتأكيد فهموا من الحراسة حوله...
تحياتي و تقديري
آدم المصري
تحياتي اخي الفاضل...
المقاطعة الشعبية اهم من المقاطعة الرسمية و هذا ما تشكو منه اسرائيل
ان التطبيع مع مصر تطبيع بارد و جاف.
تحياتي و تقديري
المحتار فيً...
تحياتي أخي الكريم...
اهلا و مرحبا بك أخي الكريم...و اسمح لي
قبل ان أبدأ بالاجابة علي استفسارات
حضرتك ان اقول :
انا مصري محب لبلدي و اهلي ..تشرفت
بأداء الخدمة العسكرية مثل الكثيرين مثلي...
لا أتهم أحد في وطنيته و لا حبه لبلده و لوطنه...
الان الي استفسارات حضرتك:
- نعم يا أخي...اردت ان اقول ان بعض
من حكامنا يزايدون علي مصر و دورها التاريخي و المعروف لمساندة القضية الفلسطينية....و ارجو ان نفرق بين الشعب و الحكومة...فانا لا اوجه اي اتهام الي الشعب القطري الاصيل..و لا
الي الحاكم او الامير....انا " أنقد سياسة"....ان اقول و لا افعل...و هذه
الزيارة لشيمون بريز كانت قبل الحرب علي غزة....
- مصر و اتفاقية كامب دافيد...و التطبيع... لا الومك اخي العزيز في هذه
النقطة...و لكن اسمح لي ان اقول...هل انت كمواطن مصري تستقبل و ترحب بأي
اسرائيلي...؟....الدولة المصرية كانت
في حالة حرب...و موارد الدولة كلها كانت مخصصة للمجهود الحربي...الناس كانت بتقف طوابير اخي الكريم امام الجمعيات للحصول علي " فرخة "...
الشباب المصري كان يتم تجنيده و لا يعلم متي سينهي التجنيد ليعيش حياة طبيعية...بعض الاسر أخي الكريم كان لها
3 اشقاء علي جبهة القتال....الخ.
السلام كان ضرورة...و خيار شجاع اكبر
و اعمق و اصعب من قرار الحرب...
و بالرغم من هذا فهو سلام باهت بارد..
لاسترداد الارض...
- هنية و حماس و الاخرون....أخي الكريم
لابد ان يكون لنا عقل يفكر و يتدبر
و يحسب كل شيء و عواقبه...يا أخي الفاضل حضرتك لو لعبت دور شطرنج مع صديق لك...لابد ان تفكر في اي نقلة لقطع الشطرنج قبل ان تنقلها او ينقلها خصمك....
فما بالك و أنت مسؤول عن حياة شعب
و امه و وطن....الحكاية ليست حكاية مقاومة و بطولة...و اعلان انتصار..
و حركات و فرقعة اعلامية تجد لدي البعض صدي...
ماذا كسبت غزة ( اقول غزة و ليست حماس)...؟...هل تم فك الحصار..؟ هل فتحت المعابر ..؟ هل تم الاعتراف بها؟
طيب...ماذا خسرت غزة ؟ اترك الاجابة لحضرتك..
- بعد نكسة العام 1967 ...بدأت مصر
في التقاط الانفاس...و اعادة ترتيب البيت من الداخل...و بدأت حرب الاستنزاف....و كانت كل مأمورية و مهمة معروف الهدف منها...و ايضا معروف ان اسرائيل سترد عليها...
- اما توجهاتي فأنا أزعم انني مواطن مصري بسيط...سمعت و رأيت و قرأت و فكرت...و يمكن لان درست المحاسبة ..فانني
معني و مهتم بالارباح و الخسائر....
تحياتي اخي العزيز...و أهلا و مرحبا بك و بالحوار...و بالاختلاف في وجهات النظر....فهذه سنة الحياة و ايضا ظاهرة صحية لان من الاختلاف يأتي التكامل....
Rovy
تحياتي اختي العزيزة
التطبيع يمكن كان اختيارا ضروريا لدول
المواجهة مثل مصر و سوريا و الاردن و فلسطين بالطبع...
لكن في رأيي ليس بضرورة لدول الخليج العربي او المغرب العربي الي حين اتمام
اتفاق شامل و عادل و دائم للسلام بالمنطقة.
تحياتي و تقديري
يا استاذى
انا اللى مش قادره بجد استوعب ده انا اللى مش عارفه افهمه ومبحاولش اصدقه
بس عاوزة اقول لحضرتك برضه زى ما عندنا لسه ناس بتمد ايدها بالسلام لدول فيه ناس تانيه بترفض
ِأختي العزيزة Appy
تحياتي
قد يكون الناس فوجئت به بينهم..
و قد يكونوا في موقف حرج....لكن الحقيقة ان الصور حقيقية.
طبعا الكثيرين يرفضون...وانا لا اتحدث
عن الشعب القطري...انا أتحدث عن سياسة
تفتح الابواب علي مصراعيها لعلاقات مع اسرائيل....خاصة أثناء الحصار...
ثم تطالب الجميع بقطع العلاقات ...سياسة
غير مفهومة او معايرها مزدوجة....
أشكرك علي حوارك...و علي سعة صدرك
التي تعودنا عليها من حضرتك... و صدقيني اتمني ان تكون كل الدول العربية
واضحة و شفافة...و لا مصالح اقليمية
ضيقة وراء سياساتها.
لكي مني كل الود و الاحترام و التقدير
استاذى
حروب استنفذت الجهود والاموال والارواح ايضا
والان نسكت على قتل ضباطنا وجنودنا على الحدود وضرب عمق الحدود ونتجاوز عن كل شئ فى سبيل السلام المدعى !!!
اما مولد ابوحصيرة فالايام بيننا اخى
الله يدينا العمر ونشوف
القضاء ولا الامر المباشر ؟
والتدخل الاجنبى
من منهم سيسود؟!!
ذكرنى ان لم اتذكر
الى اللقاء فى ديسمبر حيث ميعاد المولد
نهر الحب
تحياتي اختي العزيزة
عندك حق بالنسبة للجنود و الظابط...لكن للاسف هذا حدث من الاخوة
الفلسطنيين ايضا مثلما حدث من الاسرائيليين...
طالما المنطقة بها اضطرابات فكل شيء وارد....
المهم يا أختي العزيزة ليس موضوع السلام
المهم ان نكون نحن جاهزون..مستعدون و
يكون قرار اي معركة فيها مصر يكون قرار مصري خالص...في التوقيت الذي تحدده مصر....كما في حرب 1973 مثلا...
عموما....المعركة ليست معارك حربية فقط....بل معارك تعليمية و علمية و اجتماعية...و اقتصادية.... وصحية..و بحث علمي...
كل هذه هي مقدمات النصر في الحرب...
تحياتي و احترامي و تقديري
عزيزي الربان
أجد الموقف مشابه مع الفارق بين استقبال الناس في مصر لوزير أو محافظ أو رئيس الجمهورية يسبونه فيما بينهم ويحملونه مسئولية ما يعانونه
ثم يهتفون ويبتسمون اذا اقترب منهم
كيف
لو قابل الناس الوزير الفاسد أو المحافظ الغير كفء بنظرات الغضب أو التساؤل أو طالبوا بحقوقهم عندما تتاح لهم فرصة لقائهم لشعر هؤلاء بفسادهم ولكننا نصفق لهم
اترى ابتسامة العربية حين سلامها على عدو ؟
بغض النظر عن صحة أو عدم صحة الصور هذا يحدث حتى من أعلى الرموز في الدول بدون تفكير في أثر تلك الابتسامات والترحاب بالعدو أيا كانت جنسيته
إرسال تعليق