الاثنين، مايو 04، 2009

احلامنا

 

 

 

تحياتي

 

ما اجمل الاحلام.... و من منا لا يحبها...

و خاصة ان كانت علي الهوي....

 

اليوم هانتكلم عنها، نعم سنتكلم عن الاحلام...

لن نتكلم عنها من وجهة نظر العلم او الدين او التفسير

 سواء كانت رؤيه او حلم او كابوس...حفظكم الله.

 

 


 

 

لكن دعونا نحاول التركيز قليلا و نبحث في الذاكرة

 

هل نري احلامنا ، مثلا ، بالالوان...ام ابيض و اسود؟

 

هل اللغه في احلامنا هي لغتنا..؟ يعني مثلا العربي

يري احلامه باللغه العربية بينما الانجليزي او الامريكي

يري احلامه باللغه الانجليزية؟

 

 



 

 

هل من الممكن ان تكون هناك استراحة مثلا خلال

الحلم الواحد....يعني ممكن أكون باحلم حلم...و بعدين

قلقت..و عند عودتي للنوم استكملت الحلم...

 

اخر شيء حتي لا اثقل عليكم.... ما هو اغرب

حلم رأيته...؟

 

تحياتي للجميع . 

هناك 32 تعليقًا:

أم أحمد المصرية يقول...

موضوع لذيذ و اول تعليق كمان
ايه الاسئلة الصعبة دي استني بقي لما افتكر احلامي امممممممم
افتكرت انا احلامي بالألوان و بالعربي يعني مواقف كأني صاحية بالضبط حتي لو فيها حاجات مش معقولة
اغرب حلم بقي و انا صغيرة اقل من 10 سنين حلمت ان رئيس الاتحاد السوفيتي ايام غزو افغانستان قتل علي يد اخي الكبير و حكيته لأخي لما صحيت
حتقولي و ايه الغريب ماالاخبار وقتها كانت مليئة بمذابحهم في افغانستان





أقول لك .. اصله مات بعدها بيومين مع انهم صدقني لم يقولوا في الاخبار انه مريض :))))
يعني حلمك ياشيخ علام اتحقق

صفــــــاء يقول...

أرى أحلامى ملونه

رئـــــيسـة حزب الأحلام يقول...

الاحلام هى فى رأى متنفس لنا وقد تظهر مابداخلنا من افكار ومخاوف لكن ان الواحد يحلم حلم ويقوم يرجع يحلمه تانى فدة ماحصلش معايا الصراحة
لكن الصراحة احلامى من غير الوان عشان مابقاش فاضيه الون
اغرب حلم حلمته فدة كتير وياريت حد يفسرها
1 حلمت انى بحج وكنت بصلى على صخرة والصخرة دى كانت مهزوزة وصليت قبل الجماعة
2 حلمت مرة بحية
3حلمت انى راحة اتوضا وانا فى الشغل وانا راحة اصلى الاقى تراب فى رجلى وزميلتى اللى فى الشغل تضحك وتقولى الحقى التراب اللى على رجلك
بس كدة انا مابنساش الاحلام اصلا ولو نسيت حلم اقعد اعصر دماغى عشان افتكره
تحياتى

شمس النهار يقول...

موضوع الاحلام ده موضوع كبير جدا

بالنسبه لي الاحلام تتمثل في ياكوابيس غريبه ممكن تستلمني شويه

يااحلام سبحان الله والحمد لله بتتحقق

وفي حلم مش قادره انساه الي اليوم
حلمته اربع مرات في اربع ليالي ورا بعض
الحلم ده من 26 سنه وفكراه كأنه امس بكل تفاصيله
واتحقق اغلبه ومش عارفه الباقي هيتحقق امتي

salwa يقول...

السلام عليكم الاخ الربان
صراحة انا نادرا ما احلم
ولكن بالصغر كنت احلم انني ضللت الطريق
موضوع شيق
شكرالك
سلام

mohamed ghalia يقول...

ما أروع الأحلام
وما أجمل أن تتحقق
أسعد الله أيامك وأحلامك

magi يقول...

موضوع خفيف وظريف
انا شخصيا بحلم احلام غريبه واحيانا بحلم بناس تانيه فى بلاد تانيه وكده مش واقعيه احلامى رغم انى مره واحده شفت حلم وحكيته على سبيل الهزار واحده صحبتى فسرهولى واتحقق بعدها باسبوع
غير كده بحلم احلام من عينه انى بطير فى زحل وحجات غريبه

العيسوى الصغير يقول...

مش فاكر ولا حلم غريبة

عاشقه الرومانسيه يقول...

فكرتنى بحلم كنت حلمته زمااااااان
اتكرر كام مره وخلاص بس لسه فاكراه بكل تفاصيله
وكان بالالوان

موناليزا يقول...

والله يااخى الكريم مش هقدر اجاوب بدقة
لان احلامى متفاوتة يعنى مرة احلم حلم ملون ومرة تانية مش ببقى مركزة فى الوانه ومرة احلم ومش ببقى فاكرة التفاصيل ومرة احلم واقلق وارجع اكمله تانى وممكن يبقى له عدة اجزاء كمان
اغرب حلم بقى ماتعدش لان اغلبية احلامى غريبة
بس اخرهم انى راكبة حصان وابن اخويا الصغير قدامى وبتمشى بيه فى غرفة المعيشة بتاعتنا وكان حصان بجد مش لعبة يعنى:)

مسعدة يقول...

الاحلام دى حاجة جميلة

norahaty يقول...

السلام عليكم ورحمة الله تعالى وبركاته
الاحلام علم كبير وبحره واسع لا نستطيع استيعابه او السيطرة عليه ولكن لنا
بعض او قليل من الابحارات فيه .
من زمن صممت على الاحتفاظ بأحلامى..كيف؟وضعت نوتة
صغيرة بجانب السرير!!!
واول ما اقوم من
النوم ولسه
فاكرة
الحلم
واستمريت كده
شوية وفعلا لما كنت بقرأ
فى النوتة دى استغرب اوى وافتكر
فعلا احلام وحاجات نسيتها تماما .بس
بما لا شك فيه احلامنا هى انعكاس لحالنا
اليومى من حياة ومشاكل وكده.

norahaty يقول...

احلامى بالالوان :ساعات
اكتر احلامى وانا صغيرة:رحت الامتحان من غير قلم ولا مسطرة ولا مذاكرة!
اما وانا كبيرة وبعد التحجب انى
خرجت للشارع بدون الايشارب
والاحساس بالخجل ساعتها لا
أنساه.
اكتر حلم فاكره ومش انساه ابدا هو
لوالدتى بعد ما توفت بيومين بس
جت وقالت لى انا بقيت كويسة
جدا (يظهر حأخف )وبنفس الوقت
انا عارفة انها ماتت بقيت اقول
فى نفسى ساعتها (ياعينى بتقول حتخف
وهى حتموت!)

الربان يقول...

أم احمد المصرية

تحياتي

أشكر حضرتك...

اعتقد ان ما رأيتيه في حلم رئيس الاتحاد
السوفيتي هو " رؤيه " و الرؤية الصالحة
من الله...وهي جزء من 46 جزء من النبوة.


تحياتي و تقديري

الربان يقول...

صفاء

تحياتي

ان شاء الله تكون كل أيامك زاهية مشرقة

تحياتي و تقديري

الربان يقول...

رئيسة حزب الاحلام

تحياتي...

بما ان حضرتك رئيسة الحزب..كان لابد ان تكون احلامك بالالوان.... :)

بالنسبة لحلم الحج...اعتقد ان حضرتك ان شاء الله ستؤدي الحج....لان نفس الشيء انا شفته و اكرمني الله بالحج.

بالنسبة للحلم الثاني و الثالث يمكن يكون هناك شخص ما يتربص بك للاذية لكن الله العزيز القدير سيخلصك منه...

تحياتي و تقديري

الربان يقول...

شمس النهار

تحياتي

بالفعل موضوع الاحلام كبير...و جزء كبير منه يتعلق بما اختزناه في منطقة اللاشعور بالمخ....

لكن الرؤية الصالحة موجوده...و الكابوس من الشيطان.....


تحياتي و تقديري

الربان يقول...

Salwa

تحياتي

الاحلام جزء يومي من عمل المخ....يعني كلنا بنحلم يوميا...لكن هناك احلام لا
نتذكرها اطلاقا....و احلام نراها فنتذكرها لانها رؤية او كابوس لاقدر الله.

تحياتي و تقديري

الربان يقول...

Mohamed Ghalia

تحياتي أخي الكريم

و اسعد الله كل اوقاتك و حقق لك كل احلامك....

تحياتي و تقديري اخي الكريم

الربان يقول...

Magi

تحياتي

اعتقد ان حلم الطيران و التحليق بيدل
علي شيئين...الاول ان صاحبة الحلم رقيقة حساسة...و الثاني الي ان لها تطلعات و طموحات تفوق طموحات الاخرين.

تحياتي و تقديري لحضرتك

الربان يقول...

العيسوي الصغير

تحياتي اخي الكريم

احيانا بتكون رحمة من ربنا ان ننسي احلامنا....

تحياتي و تقديري

الربان يقول...

عاشقة الرومانسية

ان شاء الله يكون حلمك سعيد...و ربنا يحقق لك كل احلامك السعيدة...

تحياتي و تقديري

الربان يقول...

مونايزا

تحياتي

هكذا اغلبنا...نحلم و ننسي...و بالنسبة للحلم اعنقد و الله اعلم انه سيكون لك اما مكانه عالية او مال وفير
يرزقك الله به...الخيل في الاحلام خير.

ربنا يسعد كل احلامك و اوقاتك

تحياتي و تقديري

الربان يقول...

مسعدة

تحياتي

اسم جميل و ربنا يسعد كل اوقاتك و يحقق كل رؤياك الصالحة.

تحياتي و تقديري

الربان يقول...

Norhaty

تحياتي

فعلا...الاحلام بحر واسع و حاول الكثيرين
الابحار فيه و منهم فرويد عالم النفس الشهير...و لان الاحلام شيء يتعلق بما وراء الطبيعة( الميتافيزيقا ) فهو يستهوي الكثيرين ممن يطلبوا التفسير...

جزء من احلامنا هو انعكاس لحياتنا اليومية...و هو ما نحتفظ به في اللاشعور بالمخ....و لكن هناك رؤية صالحة يُبصِر الله بها عباده.....

بالنسبة لموضوع حلم الوالدة رحمها الله و سائر اموات المسلمين....فهي اتت لتبشرك بمكانتها...و تهون عليك من الاحزان...الشفاء يرمز الي الانتقال الي حياة اخري افضل و احسن....


تحياتي و تقديري

dr aly khamis يقول...

السلام عليكم و رحمة الله و بركاته
أخى الكريم
موضوع جميل
بالنسبة لى أنا ليس حظ مع الأحلام ... دائما متقطعة و غير مترابطة ...يقولون أن هذا دليل على أنى مشغول بأشياء كثيرة.. قد يكون هذا صحيحا أو هو بالفعل صحيح ..
فأنا فى يقظتى دائما مشغول ..
مشغول أيضا بأحلام اليقظة ..
مستقبلى .. مستقبل أمتى..
مستقبل أمتى .. مستقبلى..
أسأل الله أن يحقق الله لنا كل حلم صالح..
بارك الله فيك و جزاك خيرا

L.G. يقول...

السلام عليكم
طبعا موضوع بالنسبة لي مهم جيييييييييييييدا جدا

ولو ان والدتي زهقت مني ومن احلامي أنا كنت بحلم حتى في المدرج :)
احلامي في الغالب ابيض واسود واحيانا قليلة الوان
لغتي في المنام غالبا عربية واحيانا متفاوتة انجليزية

يحدث حكاية الاستراحة ولكن فيما ندر
أغرب منام ؟؟؟
بالهبل مثلا منام كان تفسيره مرض جنون البقر والذي حمى الله مصر منه ايامها

تحياتي

عالمى ازرق يقول...

انا بهتم اوى بأحلامى جايز لانها بتعنيلى اشياء ما
احلامنا هى جزء مننا .. من تكويننا وثقافتنا و خبراتنا
موضوع عايزله موضوع اصلا لمنحه قدره

دمت بخير
تحياتى لقلمك وافكارك المتجددة

الربان يقول...

dr aly khamis

تحياتي

ما أجمل ما قرأت...ان تكون مشغول باحلامك و طموحاتك و ايضا احلام و طموحات أمتك...و أتمني أن يكون هذا دافع لسلوكيات إيجابية لتحقيق احلامك
و ايضا دافع ايجابي لسلوك ايجابي تجاه أمتك و وطنك...

تحياتي و تقديري

الربان يقول...

L.G

و عليكم السلام ورحمة الله و بركاته

يبدو ان طموحاتك متزايدة و احلامك وتيرتها متسارعة...

أسأل الله العلي القدير ان يحقق لك من احلامك ما فيه مصلحتك و رضاه عنك...

تحياتي و تقديري

الربان يقول...

عالمي أزرق

تحياتي

اولا أفنقدنا وجود حضرتك ...فحمدا لله انك بيننا مرة أخري...

ثانيا...الاحلام فعلا جزء منا لانها بتعكس احيانا ما نختزنه في العقل الباطن او ما يسمي بـ اللاشعور.
و الرؤية الصالحة جزء من اربعين جزء من النبوة...

الاحلام عالم واسع...يتضمن فروع عدة مثل
اضغاث الاحلام...الرؤية الصالحة...انعكاسات العقل الباطن...
و ايضا عدد من العلوم يهتم بها مثل علم النفس و علم ما وراء الطبيعة او الميتافيزيقا....ايضا علم المخ و الاعصاب...و بالطبع التأويل او التفسير.


تحياتي و تقديري

جريدة الصباح العربي يقول...

شارك معنا باختيار القصيدة او الخاطرة الافضل


عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................
جروب جريدة الصباح العربي على الفيس بوك
http://www.facebook.com/groups/edit.php?success=1&customize&gid=78080770039#/group.php?gid=78080770039

تحياتي وتمنياتي للجميع بالتوفيق