الاثنين، فبراير ١١، ٢٠٠٨

مبروك لمصر ...و لاهلها....و احبائها حيثما كانوا....

تحياتي للجميع.... و الف مبروك الفوز الكبير لمنتخبنا القومي لكرة القدم بكاس الأمم الأفريقية للمرة السادسة و أيضا الثانية

علي التوالي.... الف مبروك علي الروح القتالية التي ظهر عليها لاعبونا عليها....فكان النصر بأذن الله حليفهم.

و في هذه المناسبة السعيدة.... و تباري الجميع في اظهار حبه و تشجيعة لبلده مصر.... الا يعني ذلك أننا قادرون ، بإذن

الله ان نغير من سلوكيات ضارة عديدة تضر بلدنا الحبيب مصر....طالما اننا نحب بلدنا هذا الحب الجارف...اليس من الأحري بنا

ان نحافظ عليها...... اقل ما يمكن عمله ان نتوقف عن اي سلوك غير حضاري او يضر ببلدنا الحبيب مصر....مثلا هل نتوقف

عن القاء مناديل الكلينكس و خلافه بالشارع....هل نحافظ علي نظافة بلدنا ....قريتنا...مدينتنا....

هل يقوم اصحاب المحلات بوضع برميل او وعاء بلاستيك صغير بغطاء امام محلاتهم ....يضع فيه الماره ورواد المحلات الفضلات

فيحافظوا بذلك علي نظافة الشارع و امام محلاتهم....بل و يكتسبون ثوابا من عند الله إن احتسبوها صدقة جارية في سبيل

الله.....

إنها دعوة للحب....نعم الاحبة يحتفلون بعيد الحب خلال هذا الشهر ( مع تحفظي علي هذا العيد لان الحب بيننا يفترض ان

يكون موجود طوال العام و ليس يوما او عيدا نحتفل به )..... اقول هل نسارع جميعا لاظهار حبنا لمصر المحروسة...حتي

نحافظ عليها لانفسنا و لمن يأتي بعدنا.....

تحياتي و دمتم بألف خير.... و الف مبروك لمصر و للجميع.

هناك ١١ تعليقًا:

Empress appy يقول...

مبروك ليك ولينا بجد اللى الواحد شافه امبارح من تجمعات سواء ناس كبيرة او صغيرة شباب وبنات واولاد واطفال حاجه تفرح ودى رساله تقول للناس اللى قلبها حاقد وان مصر مبقاش فيها خير لا مصر فيها وناسها كويسين بس عاوزين حاجه تجمعهم ويا رب نقدر نعمل لها حاجه ان شاء الله

مروة الزارع يقول...

مبروك يا سيدى

مع انى فية مشكلة بينى وبين الكورة ومش بنحب بعض

بس مبروك يا جماعة وخلاص

:))))

الربان يقول...

Appy

تحياتي و تقديري

مبروك للكل... فعلا حاجه تفرح ان الجميع
فرحان...و مصر بخير دائما إن شاء الله.

ياريت يكون فيه شيء يجمع الناس دائما
الشباب طاقة و توجيهها الوجهة المناسبة ضرورة و مسؤلية....

يارب أكثر من افراحنا ، وجمعنا دائما
علي الخير...و زد مصر عزة و رخاء...
و احفظها من كل سوء....اللهم امين.


تحياتي و دمت بالف خير.

الربان يقول...

مروة الزراع

تحياتي و تقديري و يا ستي الف مبروك وعشان مصر حبي الكورة...حبي حب العزيز
المهم مصر...اولا و اخيرا....لانها بيتنا الكبير...عليها نحيا و فيها ندفن...و
نسلمها لمن بعدنا عزيزة ابية ان شاء الله.

تحياتي يا مروة...و دمت بالف خير.

Unknown يقول...

صديقى السواح كل سنة وانت طيب دعوة جميلة فى شهر الحب يا ريت تلفت الانظار و يا ريت تسيب البوست فترة كده معقولة بحيث يشوفوا عدد كبير من المدونين

و ألف مبروك للكاس و رغم فرحتى بشباب مصر الى تكافت تكافت شديد فى فرحته بالفوز الا انى بصراححة حزنت و سالت نفسى يا ترى لما تيجى امريكا تحاربنا حنتكافت كده ؟

عجبنى اوى بوست ( طباخ الريس ) بس بصراحة انا مش مقتنعة ان وسط التكنولوجيا الهائلة الموجودة دلوقتى ان الريس يكون مش عارف الى بيحصل فى الشارع و ما استفدش من اخطاء الرؤساء السابقين و لسة بيدى ودانه للمحيطين بيه .... حاجة مش منطقية بصراحة و لا انت شايف ايه ؟

(احمد سكر ) يقول...

الف مبروك
فوز المنتخب
ههههههه
دا احلى شىء فرح الواحد من سنتين
تقبل مرورى
احمد سكر

الربان يقول...

عالية حليم

تحياتي و تقديري....

أشكرك علي مجاملتك الرقيقة...
بالنسبة لامريكا...اعتقد ان قادتها الجدد ،الذين سأتون عن طريق الانتخابات
القادمة ، لديهم افكار غير تلك للحكومة الحالية، و التي هي في رأيي أسوء حكومة للولايات المتحدة علي مر تاريخها..و أضرت ضررا بليغا بمصالح امريكا ، و المصيبة الكبري انها اي الحكومة الحالية تحسب انها تحسن صنعا.

المصريون وقت الشدائد علي قلب رجل واحد...هذا ما اثبته التاريخ...حرب
العام 1973 ليست ببعيد عنا...حين تلاحم
الشعب بكل طوائفه و أطيافه خلف القوات المسلحة الباسلة...حقيقي كانت ملحمة و تلاحم شعبي وطني بفرحة كبيرة بالعبور العظيم.

بالنسبة لموضوع طباخ الرئيس... المثل يقول " الدي علي الودان امر من السحر"...المثل من لغتنا العامية...
و الحاشية او البطانه حول اي مسؤول كان، يمكن ان يحللوا له حراما و يحرموا
عليه حلالا....

مثال من امريكا نفسها... المتشددون
من الحكومة الامريكية...فرضوا سطوتهم
علي الرئيس ، و زعموا ان العراق يمتلك
اسلحة دمار شامل و نوويه...زورو تقارير...و معلومات...زينوا له غزو العراق...تحت ستار مصلحة امريكا...و الحقيقة انهم اضروا ضررا بليغابمصلحة امريكا التي غرقت في مستنقع العراق
و اعطت فرصة ذهبية لقوة اقليمية ان تهيمن و تتحكم في المنطقة بل و تسيطر.

تحياتي و تقديري و دمت بألف خير.

الربان يقول...

سكر

تحياتي و تقديري...و نورت المدونه.

الله يبارك فيك...مبروك للجميع...و ربنا يفرحك دائما...بما يسر خاطرك.

مرورك أسعدني ...

تحياتي و تقديري

walaa يقول...

الف الف الف مبروك لمصر
ويارب كده للامام يا مصر علطول عايزين نشوفك كده عاليا علطول
تحياتى ولاء

الربان يقول...

ًWalaa

تحياتي

يارب ، يسمع منك ربنا، من نصر الي نصر
ان شاءالله


تحياتي و تقديري

L.G. يقول...

أتعرف سيدي ما ميزة مدونتك أو كتاباتك
أنك متوازن بين العقل والقلب فيما تكتب ولا تغلب أحدهما على الآخر
أيوة نفرح من غير تجاوزات