الأحد، أبريل 13، 2008

فاصل و نواصل.........اوعي تغير المحطة :)

رائعة جداً

*******************************************************************

تخيل أنك ذهبت لأدغال أفريقيا

وتورطت بطريقة ما وقام أحدهم بربطك في شجرة ربطا محكما

والحبل مربوط في الأسفل وهناك شمعة بدأت في إحراق الحبل

وهناك أسد ينتظر سقوطك حتى يقوم بافتراسك

مع العلم أن الحل الوحيد للتخلص من هذه الورطة هي بإطفاء الشمعة

ومافي أحد حولك عشان يساعدك

الحل بالأسفل ... لكن فكر فيه قبل قراءته

قلنا فكر

فكرت ؟؟ أكيييييييييييد ؟؟

طيب

كالتالي الحل

الحل انك تغني للأسد ( هابي بيرث دي تو يو ( وهو يطفي الشمعة.

وصلتني علي الايميل و احببت ان تشاركوني......يارب تكون

اعجبتكم و جلبت الابتسامة علي وجوهكم

تحياتي و دمتم بالف خير

هناك 20 تعليقًا:

Desert cat يقول...

لاء انا مفكرتش فيها بصراحة
بس حل سهل
احيانا فعلا بتكون الحلول فى ايدينا وسهله جدا لكن من شدة انشغالنا بالمشكلة نفسها مش بناخد بالنا
مودتى

الباحث عن الحقيقة يقول...

هههههههه
ماهي المشكلة انه هيطفي الشمعة وهيدور على التورته ياكلها
يا ترى مين التورتااااااه؟
شكرا على الابتسامه

رفقة عمر يقول...

بصراحه انا غشيت الاجابه معرفتش الحل لوحدى
جزاك الله خيرا
لانى بجد ضحكت
عجبنى تعليق الباحث عن الحقيقه
تفتكر مين التورته

The Queen يقول...

انا هعلق على شئ يمكن بعيد شويه عن الموضوع
انك فكرت تشاركنا بشئ ادخل السعادة لقلبك ده شعور نبيل وجميل جدا ياريت يكون موجود عند كل البشر وفي كل شئ
اللي لاحظته خلال يومين بس ان الناس بقت بتقول يللا نفسي في اي حاجه بتبخل حتى بانها تقول نكته تفرح بيها غيرها
لما قريت البوست ده وشفت انك كتبته علشان بس الناس تشاركك شئ بسيط خلال تبتسم فحبيت اشكرك واحييك واوجه دعوة للكل انه يشارك الناس افراحه وشاركهم احزانهم علشان نرجع زي زمان ويكون في مروءة ونخوة وجدعنة

ارق تحية

monaliza يقول...

انت فعلا نجحت فى جلب الابتسامة بس تعرف اول ما بدأت اقرأ افتكرت اعلان ميلودى بتاع سواق التاكسى اللى اتعلق فى الشجرة برضه بس كان تحته صبار مش اسد وبعدين لما كملت وعرفت ان المفروض اغنى كملت انا بقى من عندى وقلت اه يبقى اغنى للاسد فالاسد هيزهق وهيقول اوف فالشمعة هتنطفى ههههه

Heart Beat يقول...

الاستاذ الربان

و الله الحل طلع سهل و بسيط جدا

لكن انا لو موجودة في الموقف ده ممكن اغني بس اغنية تانية

بتقول

لو اني اعرف خاتمتي ما كنت بدأت

سلمت يداك على الابتسامة اللي اعطيتنا اياها

تحياتي

فرنسا هانم يقول...

ياخوفى يطلع الاسد مبيحبش الاغانى ؟؟؟؟؟

L.G. يقول...

طيب لو الأسد عربي ؟؟؟
شفت بأه مبيعرفش انجليزي حتعمل ايه
كمان تصدق أنا كنت فاكراها حاجة بجد قلت أصلي صلاة الاستسقاء المطر ينزل يطفي الشمعة

واضح سيدي ان احنا بنأثر عليك وحنخليك تهزر أكتر ما انت بتأثر علينا وحتخلينا جد
:))

الربان يقول...

Desert Cat

تحياتي و تقديري

الحل هو السهل الممتنع...يعني لو الاسد
عاند مثلا...او كان أطرش...يبقي راح الاخ في خبر كان....

و فعلا لو اعدنا النظر في الطريقة التي
نفكر بها سنجد ان هناك حلولا اخري...

تحياتي و دمت بألف خير.

الربان يقول...

الباحث عن الحقيقة

تحياتي و تقديري...

ياريت تيجي علي التورته....لهان الامر

المهم يترك الرجل المسكين في حاله...لان من
الممكن ان يلتهمه اولا ثم...يدور علي الحلو...التورته...

تحياتي و دمت بألف خير.

الربان يقول...

رفقة عمر

تحياتي و تقديري...

حضرتك و الباحث عن الحقيقة...تقصدوا
ان التورته كناية عن شيء أخر...؟

اكيد لا...الموضوع كله لجلب البسمه..و الخروج من الضغوط الحياتية و التدوينية

لكن مع ذلك...وإن الاسد التهم التورته
فصحة و عافية عليه...المهم ان يترك الرجل المسكين ...

تحياتي و دمت بالف خير.

الربان يقول...

The Queen

تحياتي و تقديري...

أشكرك أختي الكريمة...و الرسول صلي الله عليه و سلم قال فيما معناه " تبسمك في
وجه أخيك صدقة ".... و ايضا قال فيما معناه...ان من اعظم الطاعات ادخال السرور علي قلب مسلم...

نحن تخلينا عن الطاعات ..و فعلنا فقط العبادات...كالصلاة و الصوم ...

أيضا تخلينا عن قيمنا التي هي جزء من ديننا...

ضيعنا الرحمة و التراحم...و فقدنا المروءة و الشهامة...الا من رحم ربي..

و كل هذه السلبيات اضافت الي معناتنا
في الحياة و زادات الحياة علينا ضنكاً.

تحياتي و دمت بألف خير.

الربان يقول...

Monaliza

تحياتي و تقديري

اعلان ميلودي برغم انه اعلان طويل..الا انه مقبول .

و يبدو ان حضرتك واثقة من صوتك..ههههه... المشكلة ايضا اذا كان
الاسد من محبي الغناء الاوبرالي....ههههه.

تحياتي و دمت بألف خير.

الربان يقول...

Heart Beat

تحياتي و تقديري

بالفعل لو كنا نعرف خاتمة الامور يمكن ان لا نبدأ...زلكن احيانا نتمسك بالامل
ونقول ان شاء الله الخاتمة ستكون سعيدة..

والسعادة تأتي من رحم المعاناة...

تحياتي و دمت بألف خير.

الربان يقول...

فرنسا هانم...

تحياتي و تقديري...

تعرفي ان التعليقات اضافت احتمالات جيدة تستحق التفكير فيها...

يعني لو الاسد لا يحب الأغاني...ماذا نفعل
نستسلم...؟...

علي فكرة...نوع من انواع التفكير يسمي
" العصف الذهني " أو Brain Storming
في هذا النوع من التفكير...يجتمع مجموعة
من الناس و يفكروا في مشكلة محددة..
و يبدأوا في ايجاد افكار و حلول...و يكتبوها في ورقة....ثم يعيدوا التفكير
في الافكار و الحلول التي جمعوها لاختيار
أفضلها....

تحياتي و دمت بالف خير.

الربان يقول...

L.G

تحياتي و تقديري...

كما قلت للعزيزة فرنسا هانم...
هذه المشكلة الافتراضية احضرت الي الاذهان
حلول عدة...يعني صلاة الاستسقاء و نزول المطر...يمكن يكون حلا أخر يمكن اللجوء اليه.

ياريت لو ان احد منا لديه مشكلة
الاخرون يفكروا في حلول لها...بدلا من التعاطف فقط...

ومن حين لاخر..الضحك و الابتسام مطلوب
للخروج من الاحتقان الذي نعيشه سواء
عمليا في الحياة ...او افتراضيا في المدونات المملؤة بالاتقان...وان رأيت
شعر...فهو يصف تجربة حزن...

تحياتي و دمت بالف خير.

Salwa يقول...

جميله فعلا

بعد إذنك أنا نسختها وبعتها لأصحابي

الربان يقول...

Salwa

تحياتي

بدون أذن...تقدري تنسخي اي شيء من مدونتي...هذا يسعدني.

و شكرا لانك سترسليها الي اصدقائك..ربما
تجلب ابتسامة الي وجوههم.

دمت بالف خير.

اجندا حمرا يقول...

الأستاذ الربان

اشكرك علي رسم ابتسامه علي وجوهنا جميعا
استمتعت بقراءتها
ليا طلب عند حضرتك انا كنت بدخل علي طول هنا بس كنت فاكره ان حضرتك شايل لينك الكومنتز لحد ماالعزيزه هارت بييت قالتلي لأ موجود اللينك بس اللون مش واضح
فأستسمحك عشان الفايده تعم اللون يعني عشان ماحدش يفتكر زيي ان مفيش لينك للكومنتز و اسفه للأطاله و دمت بكل السعاده و الهناء

الربان يقول...

اجندا حمرا

تحياتي

اعتذر لحضرتك و للجميع لانني لم اقصد ان
اخفي مكان التعليق ...لكنها حصلت بالصدفة و لم استطع أعادتها.

وها انا قد غيرت من شكل المدونةكله حتي
يصبح مكان التعليق واضحا.


اشكرك و تقبلي خالص التقدير.