الاثنين، أبريل ٢١، ٢٠٠٨

تحياتي


اولا اعتذر لانني محوت الموضوع الخاص بالانفاق علي رسائل المحمول لانه حدث خطأ اثناء
محاولتي ان اقتبس بعض التعليقات علي المقال.

ثانيا : اعتذار خاص للعزيزة Appy لانها علقت علي الموضوع و بالطبع اتمحي عندما محوت
الموضوع الاصلي...فعذرا و معذرة...

ثالثا هذا هو المقال كما ورد بالنص في الجريدة علما بأنني لم اورده كاملا :



في جريدة الاهرام المصرية في عددها الصادر يوم الجمعة الموافق 18 ابريل 2008 ، ورد خبر كالتالي:

186 مليون جنيه للرسائل و الصور الاباحية بالمحمول

أثارت إحصائية صدرت حديثا عن المركز القومي للإتصالات في مصر و التي تشير إلي أن المصريين ينفقون
186مليون جنيه سنويا علي نغمات و رسائل الموبايل الفاضحة التي يتناقلها الشباب فيما بينهم العديد
من التساؤلات ، خاصة بعد أن كشف تقرير صندوق الامم المتحدة للسكان بالتعاون مع وزارة التخطيط
و التنمية المحلية لعام 2006 و الذي يشير الي ان نحو 26.19 % من سكان مصر يعيشون تحت خط الفقر
بما يساوي 14 مليون نسمة لا يتمكنون من الحصول علي احتياجاتهم الغذائية من الغذاء و أن نحو 7.2
من الأطفال خارج المدارس و ملحقون بسوق العمل ، وما تبعها من دراسة علمية صادرة عن المعهد العالي
للخدمة الإجتماعية لسنة 2007 و التي تشير الي إرتفاع مؤشر الفقر في ريف الصعيد الي 9.43 % ،
بينما بلغ 2.19 % في حضر الصعيد في حين بلغ الفقر في ريف الدلتا 6.16 % أما حضر الدلتا فبلغ 8.90 %.

ـــــــــــــــــــــــــــــــــــــ انتهي الخبر ـــــــــــــــــــــــــــــــــــــــــ

الارقام و الاحصائيات لم توضح بعض البيانات المهمة في رأيي بالنسبة لموضوع الرسائل علي المحمول
مثل الفئات العمرية لمستخدمي هذه الخدمة ...الرسائل النصية....ايضا لم توضح الي اي شريحة من
المجتمع ينتمون......وايضا لم تحدد المستويات التعليمية لمستخدمي هذه الخدمة....و ما هي نسبة
الريف الي الحضر او الدلتا و الصعيد.

لكن تبقي هذه الارقام مؤشر خطير علي حالة المجتمع الذي ينفق 186 مليون جنية علي رسائل فاضحة
بينما 26.19 % من سكانه يعيش تحت خط الفقر.....


تحياتي و دمتم بالف خير.

هناك ٢٢ تعليقًا:

L.G. يقول...

أيوة دايما أتساءل ازاي انسان بسيط الحال يحمل موبيل بألف أو أكتر ومنين بيشحن ويبعت رسايل والنغمات

عن نفسي مغيرتش الموبيل خالص والنغمات والرنات لا تتوائم معه لأنه قديم
والرسائل للحاجة ونصية

لو الناس تنتبه بس

الربان يقول...

L.G.

تحياتي

الموضوع اصبح منظرة...يعني معظمنا عايز
احدث الموبايلات حتي يحاول إظهار مكانتة الاجتماعية..و المالية..

من أجل مثل هذه الامور ، نسمع عن جرائم قتل...و جرائم أخلاقية أخري للحصول علي المحمول...

كما ان هناك سوق مخصوص للموبيلات المسروقة يتم بيع الهواتف فيها باسعار
زهيدة بالطبع لانها مسروقة.

فعلا لو الناس تتنبه...و يخرجوا جزء
من هذه الاموال للايتام و الارامل و المحتاجين....لكان حالنا افضل من هذا بكثير.


تحياتي و تقديري

walaa يقول...

ناس مش لاقيه تاكل وناس غرقانه فى الفساد
عارف ياربان لو تراحم الناس فيما بينهم ما كان بيننا جائع ولا فقير ولا مظلوم
بس مين يسمع ومين يعقل
الناس اللى فوق همها نفسها وبس ومش مهم حد تانى الشبعان عمره ما بيحس بالفقير ودى المصيبه
186 مليون على الفسق والضلال دى ميزانيه لواحدها وناس مش لاقيه تاكل لا يغير الله ما بقوم حتى يغيروا ما بانفسهم
وتيجى تقوله طيب ما تدى الفقير يقولك فلوسى وانا حر فيها
عارف يا ربان لو قربنا من ربنا واتقينا ربنا
توطبقنا تعاليم الاسلام صح عمر ده ما هيكون بينا
تحياتى ولاء

ammola يقول...

احنا شعب سفيه جدا وبيحب المظاهر جدا جدا..يعنى واحدة شغالة فى تنظيف البيوت مصرة انها لازمن ولابد تجهز بنتها م الابرة للصاروخ..يا ستى يهديكى يرضيكى خليكى على أد لحافك..أبدا الناس يقولوا علينا أيه؟؟آآآآخر خيابة يعنى تشتغل فى البيوت وتتحمل رزالات بعضهم علشان ايه فى الاخر؟؟ده غير انها كل شوية تعمل"ابجراد"للموبايل بتاعها..طيب مش دى نفسها الناس اللى بتموت فى طوابير العيش واللا دول ناس تانية؟؟منتهى التناقض.طيب نخلينا بأه شوية مكان الحكومة ..معاهم حق يرفعوا الاسعار أذا كان أحنا شعب لطيف ومرفه أوى كده ومش بيهمه يحافظ على فلوسه..الناس اللى بتقعد تحوش وتحوش وتعمل جمعيات وممكن يتطلقوا علشان يروحوا المصيف..دى ناس بتفكر ازاى ومين رباها على كده؟احنا زى ما نكون معمول لنا عمل بالخيابة والسفه.
معلش أنا طولت بس موضوعك استفزنى جدا لانه بيعرى حقيقتنا..عن أذنك بقى أروح أغير الموبايل..اشمعنى أنا يعنى
:)

فرنسا هانم يقول...

الاحصائيات دى ممكن تكون سليمه من ناحيه الارقام الماديه
اما من ناحيه التوزيع فانا اشك فى مصداقيتها
هو كل واحد بيبعت رساله بيبعتها بذكر سنه وهو بيشتغل ايه وهو طفل ولا راجل
حتى قسيمه شراء التليفون او العقد
غير موثوق المعلومات لان الخط الواحد يشتريه الكثيرين

Empress appy يقول...

ايون انت عامل عليه مؤامؤة مع ال زجى
علشاتن تاخد او كومنت عاااااااااااااااا
ماشى بس الصورى بتيجى على الكلام حاول تظبط بجد
المفروض نعمل ترشيد استهلاك وانا هكتب فيه
لان بجد بدأت اتغاظ الا امبارح واحده قعده جنبى فى كاقيه وصحبتها واقفه على الباب بتكلمها فى الموبيل شوفت الفرسه اللى انا فيها
بجد الشباب بيستخدم كل حاجه غلط عكس الاجانب
تسلم ايديك وبطل الحركات دى ها ههههههههههه

اميره الصعيد يقول...

الاخ الربان
اولا انا زوجى العزيز له مبدا رائع (هو ماشى عليه )اذا كانت العده بتقول الو مفيش داعى نغيرها
ثانيا ايه اللي يخلي الناس (علي اختلاف فئاتهم العمريه )تتجه الاتجاه ده اكيد الفراغ والكبت
الفراغ اللي خلا مواضيع الساعه من عينه فستان هيفاء وكليب نجلا
والكبت اللي معيشانا فيه الحكومه واهم انواعه علي الاطلاق الكبت السياسي

المستنصر بالله يقول...

احنا اصلا مش عندنا ثقافه الاستهلاك
مشكلتنا تقليد الغرب بس للاسف فى اسواء الاشياء
ممكن يكن الشخص لا يملك قوت اولادة بس لازم يكون معه موبيل
مافيش عندنا اولويات فى الاستهلاك

مجداوية يقول...

السلام عليكم

أخى الكريم
اللى أعرفه ان 40% من سكان مصر يعيشون تحت خط الفقر ومتهيألى النسبة دى أوقع المهم السفه فى حياتنا ملوش حصر

حضرتك تعرف ان تكلفة ديكور فرح لناس أغنياء ممكن تجيب شقتين ثلاثة لشباب مش لاقى مكان يتجوز فيه وممكن يطعم كام أسرة فقيرة تكلفة البوفيه الواحد أو فستان العروسة
أنا رفضت أعمل فى هذا المجال رغم العائد المادى المربح جدا لأنى حسيت انى حساهم فى هذا السفه وده مال الله وحيحاسب كل واحد فينا ,,وما أنكرش انى كنت فى وقت باستخدم الموبايل بكثرة جدا كنت بأستسهل ابعت ماسيج أو اتكلم بدل ما أستنى لما أروح واتكلم فى تليفون البيت والحمد لله بطلت ده لأنه يدخل تحت بند السفه,,الخلاصة ,,ان الواحد ممكن جدا يغير حاجات كتير غلط لما يدرك انه حيحاسب امام الله على ده
,,الحكاية كلها متوقفه على علاقتنا بربنا قوة أو ضعفا

موضوع رائع فجزاك الله كل خير

تحياتى وتقديرى اخى الكريم

Ophelia - cfd يقول...

يا نهار أبيض

النسبه دى لو بجد يبقى فعلا مشكله

احنا وصلنا للدرجه دى ....

هو أى نعم الشعب المصرى بتاع منظره

لكن دا بجد جرس إنذار لازم ناخد بالنا

منه ..

تحياتى لحضرتك :)

الربان يقول...

ًًًًWalaa

تحياتي

هو فعلا هذا ممكن يكون مؤشر لبعدنا عن ربنا...

التراحم و اداء الزكاة التي هي من اركان الاسلام الخمسة....يغير كثيرا من
نسبة الفقر المرتفعة...بل أكاد ان اقول لو أُخرجت الزكاة كما ينبغي لما
وجدنا فقيرا في مصر.

تحياتي و تقديري...

الربان يقول...

Ammola

تحياتي

نعم هناك الكثيرون منا يحبون المنظرة و
التباهي...و التليفون المحمول من مظاهر
هذا التباه...لدرجة ان ممكن شخص يقتل
أخر طمعا في تليفونه المحمول ...

غيرتي الموبايل ولا لسه ؟ هههههه.

تحياتي و تقديري

الربان يقول...

فرنسا هانم

تحياتي

التوزيع من السهل جدا ان يعرف بعد التطورات العلمية الهائلة في مجال الاتصالات...تخيلي حضرتك ان كل الرسائل
النصي القصيرة...و نص مكالماتك علي المحمول لمدة عام ممكن جدا ان تكشف عنه شركة الاتصالات بكل تفاصيله بناء علي امر من المحكمة مثلا....

بالطبع شركات المحمول حين تبيع خط محمول
بتحصل علي صورة من بطاقة اثبات الشخصية...

لكنني اتفق مع حضرتك ان هذا المبلغ الضخم توزيعه بالنسبة للطبقات المجتمعية سيكون لصالح فئة معروفه من
الطبقة الجديدة التي ظهرت نتيجة تسقيع
الاراض...و الاحتكار...و الفساد...سوف
تجدي ان مبلغ ال 186 مليون جنية اغلبه
يعود الي هذه الطبقة...

تحياتي و تقديري

الربان يقول...

Appy

تحياتي

تعرفي حظي مع حضرتك غير جيد...مرة محوت تعليقي علي احد موضوعاتك ، و مرة انمحي تعليقك علي احد موضوعاتي...لكن بدون مؤمرات صدقيني لانني من انصار تحالف
قوي الشعب العاملة المدونة ....:)

موضوع الكافية...طبعا منظرة ...و سفه
و كلام كثير ...من هذا القبيل.

علي فكرة السفه علي مستوي العالم العربي ككل...فطبقا لما اوردته قناة الجزيرة ان العرب ينفقون ما قيمته مليار دولار سنويا علي مثل هذه الرسائل...و تحميل ملفات كليبات فيديو
و موسيقي...

أخيرا لا أجد ما اقول الا: ربنا لا تؤاخذنا بما فعل السفهاء منا.


تحياتي

الربان يقول...

اميرة الصعيد

تحياتي

مبدأ جميل للاستاذ زوج حضرتك.

صحيح بعد انتشار القنوات الفضائية
و منها طبعا قنوات لا عمل لها الا الشات
عن طريق الرسائل النصية....مع كليبات
و هوس الشباب لهما تأثير كبير فيما نحن فيه.

الكبت السياسي جزء من حالة اللاديمقراطية التي نعيشها....

تحياتي و تقديري

الربان يقول...

المستنصر بالله

تحياتي

اعتقد أخي الكريم ان ثقافة الاستهلاك غائبة بالفعل...كما ثقافات اخري نحن في حاجة اليها مثل ثقافة الاختلاف...

الموبايل في حد ذاته يمكن يكون ضروري لاحد ما حتي لو كان فقير....لكن كيفية
استخدامه....و فيما يستخدم...هما القضية.

تحياتي و تقديري

الربان يقول...

مجداوية

تحياتي

اختي الفاضلة السفه كما ذكرت حضرتك موجود...و ما أكثره.

و طالما حضرتك ذكرت موضوع حفلات الزواج
علي وجه التحديد كمظهر أخر من مظاهر
السفه الذ نعيشه...و طبعا كلنا بنلمس هذا المظهر الخاص بحفلات الزواج.

السفه ليس في الاحتفال فقط...بل ايضا
في الطلبات الاخري...في الزواج...مثل
الاثاث...و الاجهزة الكهربائية..

يحكي لي أحد الاصدقاء من محافظة في دلتا مصر ان جهاز احدي بنات جاره...اشتمل
علي عدد 2 ثلاجة + ديب فريز ....
هل بعد هذا سفه...اثنان فقط..زوج و زوجته هل سيستعملا ثلاجتين و ديب فريز
الامثلة علي هذا كثيرة....
و هذا من اسباب عزوف الشباب عن الزواج...و يوجد موضوع جميل عن التيسير علي الشباب للزواج...كتبته
اخت فاضلة...

أشكرك و ربنا يبارك لك لانك امتنعتي
عن المشاركة في السفه....و ان شاء الله سيعوضك الله خيرا ...

تحياتي و تقديري

الربان يقول...

noureleslam

تحياتي

فعلا جرس إنذار لابد من التنبه اليه..
لان المجتمع الاستهلاكي له مشاكله الاخري
مثل ارتفاع معدل الجريمة...و الطلاق و خلافة.

تحياتي و تقديري

جيهان علي يقول...

السلام عليكم ورحمة الله وبركاته

إحصائية خطيرة فعلا خاصة عندما نعلم ان تواجد الهاتف المحمول مع فئات عمرية لا يشكل وجود المحمول معهم أهمية قصوى أو حتى أدنى أهمية ..
وللأسف لا نستخدم الإمكانيات المتاحة لنا في طريقها الصحيح ونتسبب في هدر ملايين أو مليارات الجنيهات في أمور تافهة

الربان يقول...

تحياتي

اؤكد علي كلام حضرتك ...يوجد فئات عمرية لا ينبغي لها ان تستخدم المحمول حرصا علي سلامتها... الاطفال دون الثانية عشر لا يسمح لهم باستخدام المحمول لما قد يتسبب به من اضرار صحية
لهم في هذا السن الصغير...


تحياتي و تقديري

Unknown يقول...

ربان
تعرف ثقافة التشوية
او التخريب او اسمها اية اقولك
ثقافة الاستفادة السيئة مما ممكن ان يكون جيد
هذا ما نفعله نستخدم ما هو مفيد او يمكن ان يكون مفيد فى اشياء بعيدة عن العقل والايمان
وحتى بعيدة عن معتقداتنا الدينية والمعيشية

ويكفى ان سبب رئيسى لخراب الاقتصاد القومى هى شركات المحمول
وبعدها السعى وراء الموبايلات


سورى طولت ويمكن خرجت عن اصل الموضوع لفروع
بس سامحنى

كل الاحترام

الربان يقول...

نهر الحب

تحياتي

فعلا ثقافة الاولويات معدومة عندنا كشعب....يمكن بعض منا لديه هذه الثقافة لكن كشعب نحن لا نملك هذه الثقافة...

تعرفي ، بعض الاجانب من الولايات المتحدة و كندا و غيرها...يعملون معنا
يستخدموا تليفون محمول موديله من 6 سنوات مثلا...لا يغيرون...هو بالنسبة لهم
و سيلة اتصال فقط...لماذا يدفعون الالاف
وهم يستطيعوا ان يوفروا هذا المبلغ..
بدون مبالغة كثيرون منهم ما زالوا يستخدمون نوكيا 3310 ....بالرغم من ان رواتبهم تفوق رواتب العرب مرات..

تحياتي و تقديري